影片
更多
2021-12-11
73 浏览
前排男朋友喺一个特别嘅日子带咗我去食一间专门食刺食嘅铜锣湾小店，虽然位于繁忙嘅登龙街，但系入面嘅人流并唔多，坐得舒服之余，嘢食都几唔错😜由于我哋都钟意食拖罗，见到佢个刺身拼盘有脑天食，即系吞拿鱼头顶嘅肉，一条吞拿鱼只得两片，极其罕有😲 估唔到竟然喺呢间小店度食到。呢个拼盘有赤身、中拖、大拖、脑天同吞拿鱼蓉，中拖同大拖都几唔错，特别系大拖嘅鱼油真系好香🤤 食落新鲜肥美！而出面好少食到嘅脑天都有惊喜，食落口感较爽，鱼味好浓，未试过嘅一定要试吓🤟🏻活赤贝系男友嘅必点item，但平时我成日都食到腥嘅赤贝，所以都唔系特别好🤭 但呢间嘅赤贝唔腥之余仲好新鲜，食得出佢嘅鲜甜！而且口感好爽，算得上系高质嘅活赤贝😎而佢呢度嘅鸡泡鱼干有啲少贵，份量唔算好多，但胜在烧得够哂香口同干身，点埋个肥仔七味粉沙律酱一齐食，够哂滋味😋讲到最惊喜都应该系呢道菜🤭 无谂过佢$68竟然系咁多牛舌！性价比极高之余，仲要好好味🤩 每旧牛舌都煮得超腍，超入味，索哂个汤汁，而个汁仲落左少少胡椒，食落都几惹味！配角大根都同样地腍同入味，又无渣，真系好唔错！总括而言，呢间日式小店真系几出色！人流唔算多，以为会中伏，点知原来都几好味🤤
吞拿鱼刺身拼盘
$288
5 浏览
0 赞好
0 留言
呢个拼盘有赤身、中拖、大拖、脑天同吞拿鱼蓉，中拖同大拖都几唔错，特别系大拖嘅鱼油真系好香🤤 食落新鲜肥美！而出面好少食到嘅脑天都有惊喜，食落口感较爽，鱼味好浓，未试过嘅一定要试吓🤟🏻
活赤贝
$68
8 浏览
0 赞好
0 留言
烧鸡泡鱼干
$58
11 浏览
0 赞好
0 留言
大根煮牛舌
$68
13 浏览
0 赞好
0 留言
总括而言，呢间日式小店真系几出色！人流唔算多，以为会中伏，点知原来都几好味🤤 仲要食到出面较少食到嘅脑天👍🏻 性价比又算高，的确系几高质，未试过脑天嘅朋友仔可以一试呀😜
张贴
