魚鮮生刺身專門店

营业中

休息中

有晚老公去買外賣，分別買左燒帆立貝、燒左口魚裙邊丼、雞皮餃子，連埋外賣盒總共$226。回來見到串帆立貝，我地都好驚訝！點解可以迷你成咁！每粒同手指公差不多大！敢收人$48串，真係祝你生意好呀！你做出黎唔覺得有問題既咩？咁都可以比客？真係好離譜！香港飲食業難做大家都知了，所以我真係幾年都無乜比過負評！但明知難做仲咁樣做生意真係覺得你應該反省下！其他雞皮餃子、燒左口魚裙邊丼都好一般！問個店員丼飯用壽司飯定白飯，佢可以問返你要乜飯？你地無標準做開咩架咩？感覺就係亂咁黎成個魚飯飯白雪雪無乜鮮味！唔好食！個樣好似病人食既野咁無乜顏色，睇見都無胃口呀！唔建議哂quota去食！無誠意既一間店！

【灣仔區】【魚鮮生刺身專門店】我呢晚本身已經返咗屋企，但係見到東海棠好可憐，就陪吓佢食飯啦，我都無謂講佢班機遲咗幾多喇，無謂揭人瘡疤。本身我係想打邊爐或者食燒肉嘅，但係當時已經有啲夜，香港都冇乜邊間任食放題喺夜晚十點後仲有做，所以喺銅鑼灣求其搵啲嘢食算。入到呢間日本餐廳就好有深夜食堂 feel，已經有唔錯嘅印象。一人對一碗拉麵先，佢食 $88 嘅「赤滝」，即係辛辣味，佢話幾好喎。而我就食都係 $88 嘅「青滝」，係用青醬整嘅，都真係幾好食。我都好清楚唔係因為肚餓所以先覺得好食，本身都真係唔錯。咁當然我哋唔會就咁算啦，見到佢哋有串燒食，都叫咗少量。首先係$58 嘅「燒牛舌芯」，我本身都係一個牛舌控，好中意同牛打茄輪，所以對牛舌都有一定要求，而呢一串牛舌心係燒得唔錯嘅，而另外 $38 嘅「燒白鱔」同 $28 嘅「燒雞腎」其實都唔差嘅。嘢飲方面，我就飲 $68 嘅「本村信州蘋果蘇打」，嘩咁樣一支嘢飲都幾貴喎，雖然都真係日本進口同埋幾好飲。而東海棠就飲 $48 嘅「巨峰提子乳酸」，佢都話 okay 嘅。呢餐飯埋單就 $458，我覺得價錢都相當合理，畢竟咁夜要食日本菜，佢算克盡己任。。。（地址：

係這家店試咗幾樣日式美食，咀嚼間彷彿走咗進屋企廚房一樣，好有人情味！拖羅丼仲記得好清楚，鬆軟嘅飯上面鋪滿咗油光發亮嘅拖羅，咁濃厚的香味，真係講嘢食咁樣！就連細細個嘅玉子和風牛肉丼都充滿驚喜，牛肉滋味豐富，跟著洋蔥香脆感夾雜，一啖飯一啖肉，滋味滿分！軟殼蟹手卷更加無得輸，啖啖蟹肉，外層脆卜卜，真正講到「香脆」兩個字都唔夠形容！環境上亦無話可彈，唔會太擠亦唔至於太吵。同朋友聚舊，嘆完飯再嚟杯啤酒小酌，梗係一流嘅選擇！每次去都有啲新鮮感，下次我仲打算試吓佢哋嘅極上定食，恩，期待再嚟一次滋味之旅🍣🍚🥢！

難食到嘔，拖羅無味又多筋，見到一碟爛肉唔知做乜。以為自己叫左手必肥牛，全餐飯最好食係個即食豆腐加麻醬，連都豉湯都勁難飲，鹹到腎虧，點解可以每一樣野都咁難食？同佢講佢個魚生切到爛曬同埋質素好差，佢淨係話同師傅講聲之後就無左件事，一啲都唔緊張自己嘅食物質素！講真唔係歧視，但成間舖啲人都係有鄉音，就知道中伏了。隔離枱食廚師發板話唔食生蠔，最後阿鄉音女人都係上咗生蠔俾佢，仲要唔俾人換，好心唔好出嚟做生意啦，搞到咩mood都無曬

喺銅鑼灣閒逛之際，突然想食魚生飯，見到魚鮮生痴喺門口嘅menu有得食，就入咗去。環境係普通居酒屋嘅feel，坐低之後staff同我地介紹餐牌，之後先知原來已經冇普通don飯食，得啲「廚師發辦」魚生飯揀🙂喺居酒屋feel嘅日本嘢餐廳食刺身？已經心感不妙🤡我同友人眼見時間都差唔多，費事再另外搵餐廳，就決定以身試伏🙏🏻我order咗一份九件嘅壽司定食，可以話係含淚食完🙏🏻因為係「廚師發辦」嘅關係，其實都唔知有啲咩食。咁二百幾三百蚊一份嘅壽司，啲staff亦都唔會同你介紹太多（雖然應該expect會有😅）。而憑我對日本料理有限度嘅認識， 我認到有赤身、海膽、火炙大拖（？）、赤貝、帶子、深海池魚、金目鯛、八爪魚，仲有一個唔識😂😂可以好明顯咁食得出啲食材其實唔新鮮😅😑seasonal嘅帶子唔鮮甜，火炙嗰舊炙到well done（正宗嘅火炙過嘅壽司唔suppose係咁？🙂），搞到舊拖羅十分鞋口🤡最激氣係舊海膽，包住壽司飯嗰塊紫菜淋到PK，食落有幾分四洲紫菜嘅感覺，海膽嘅明礬味超級重，食完嗰陣臭味喺個口度last咗幾個鐘🥴🤮雖然，你係收我270蚊9件壽司，但係啲quality都唔係差到咁掛💩💩以後唔會

銅鑼灣食日本唔少，不過想舒舒服服靜靜地食，就難搵D，不過魚鮮生幫你😊😊今日下午經過銅鑼灣想食日本嘢，就諗起魚鮮生食料新鮮又多選擇👍🏼👍🏼坐位較多又有兩層👏🏼👏🏼💰午餐不用加一日本馬糞海膽三色飯海膽鮮甜，三種不同海膽鮮味層層提升。拖羅滿滿（仲要厚厚）不會太溶仲有小小肉粒，入口有層次😍😍啖啖都好滿足🤭🤭🤭前菜 ：🐚蜆肉清湯，清甜仲有蜆肉😌 🥬酸汁生菜，清新開胃🫶🏼

雖然成日逛銅鑼灣，但係總有幾間食店係會成日經過都𝘔𝘪𝘴𝘴左，就例如今次介紹位於登龍街嘅「魚鮮生」，真係差啲走寶😳店舖入口雖細，但內裡卻係充滿日式居酒屋氛圍，少許昏暗，反而幾舒服😌 午市套餐價錢實惠，重點係用料上乘，壽司飯係用黎至日本嘅「富士米」，食落比平時嘅米飯清新👍🏻 過程店員都好友善，除左介紹食材亦有推介我地店舖嘅拿手菜式，哩種賓至如歸嘅感覺更似置身於日本😳😌《 壽司定食9件 》 $168 4.5 / 5每日都唔同由廚師發板嘅壽司定食，由淡味魚生順序食到最濃味嘅海膽🤤 魚生由日本直送，特別鮮甜肥美，當中以赤身、海老最驚艷😍 濃味之選有蟹膏、海膽，份量多過壽司飯，真係啖啖肉😋《 長崎縣拖羅丼 》 $188 4.5 / 5套餐連沙律同麵豉湯，湯頭勁鮮用上鰹魚煲煮😋 綿密嘅拖羅蓉伴隨魚子入口融化，新鮮無腥味👍🏻 拖羅刺身亦係入口細膩，好嫩滑🥰 不過說實話飯嘅份量唔算好多，比較細碗😛《 油甘魚腩 》 $58 5 / 5 🌟🌟🌟🌟🌟每款刺身以兩片為單位，無諗過油甘魚腩會咁厚切！🤩 入口充滿油脂香，肉質豐滿😋《 地金目鯛 》 $98 4 / 5地金目鯛係金目鯛之中最為高級嘅一款，肉質鮮

呢間本來係我最鍾意去嘅日本餐廳因為疫情關係 已經有大半年冇去今次去好失望 價錢明顯貴咗 食物質數差咗廚師推介 極上壽司定食 睇圖見到好吸引唔想諗食咩 order咗一set 完全貨不對辦 變咗8成係魚 得一件海膽 一件帶子其他係邊種魚 完全唔知有一件仲腥到嘔 3xx食呢盤野 真心失望特登去食季節限定*令和怪物*比起之前食size細好多仲要$98 所以試咗一隻就算其他刺身…高質放題的刺身俾佢好全晚最好食係汁燒帶子明明呢度最好食就係刺身 唔知發生咩事搞成咁埋單11xx真係唔知食咗啲乜😩短期內都唔會再去希望佢會有改善

🍪【#銅鑼灣】魚鮮生刺身專門店 Yu San💥期望愈大失望愈大 平平無奇日本菜💥.🍽 油甘魚丼 Yellowtail Sashimi Bowl $98（3.5/5）魚生唔係特別厚，味道沒有很驚喜，感覺唔夠新鮮，不過不失啦~✧The sashimi is quite thin-sliced and mediocre..🍽 燒鰻魚丼 Grilled Eel with Rice $88 （4/5）鰻魚份量幾充足，正常發揮✧A very average dish. The food portion is rather satisfying. .~~~~~~~~~~~~~味道 Taste：🍪🍪🍪/5環境 Ambience：🍪🍪🍪/5💸消費 Spending：$93 /人 Person🔥推介度 Recommendation：3.5/5.📍 魚鮮生刺身專門店 Yu San@sushiyu.hk

今日同老公兩個人行行下銅鑼灣見到店員企係門口介紹聽店員有啲日本口音同門面都幾有日本風味佢仲話佢地轉左新菜單就膽粗粗試下入到去聽佢啲好熟悉嘅旋律但應該係日文歌詞 真係好有親切感老公一路等野食仲一路哼住啲歌聽佢唱歌真係笑死人到食野 我地首先叫左一個超級大碗既牛油果蟹肉沙律 兩款壽司 ( 蟹膏壽司 燒鵝肝壽司) 一個軟殼蟹手卷 一個牛油果蝦卷味道同賣相都唔錯 牛油果沙律真係超超大碗 料好足 牛油果又切得大粒 我覺得一個人食當lunch食燒鵝肝壽司真係有驚喜 入口即化開 軟殼蟹都好酥脆下次黎可以再叫食到一半老公又要加野叫咗個燒雞泡魚，燒三文魚腩同埋清酒牛油燒帶子雞泡魚乾唔使講送酒一流個三文魚腩又滑捋捋 諗起都舐舐脷燒帶子都好香好大隻整體黎講令我有短暫去咗日本居酒屋既感覺啲服務都唔錯 幫我哋斟茶 收碟都收得快食完我哋兩個捧住個肚返屋企平均每人300蚊左右 仲可以用八達通消費卷下次帶屋企人黎食

銅鑼灣登龍街既魚鮮生，環境好有日本傳統居酒屋既感覺，服務員非常有禮，Nice 😊 Lunch menu :今次揀左雜錦魚生飯，午餐定食送湯同小食小食係希靈魚，好厚身好爽😄主食賣相好靚👍🏻刺身有帶子，三文魚，吞拿，蟹子⋯好厚啖啖肉好鮮甜，好好味😋 回頭率80分😊

純粹食物比預期差好多所以先出個食評！首先睇menu個樣係咁然後黎到既時候張相係食到中途覺得一黎唔新鮮二黎啲壽司好似唔同魚用剩既部分砌出黎咁，其中有舊係唔知魷魚定墨魚，原隻好細隻個啲，擺落口有陣小小臭既味，所謂嘅高級同新鮮真係食唔出睇唔出。除咗嗌左壽司定食 仲有嗌一個火灸左口魚裙邊丼，味道正常，不過份量就似係半人份量 左口魚都係得薄切既幾片，一夾就爛個隻薄到。然後個茶係凍嘅，wasabi都要叫先有，待應全程㩒電話，叫完同佢講要啲咩都要㩒多陣先去拎。

🍣🦪魚鮮生價錢：💰💰味道 : 👅👅👅👅服務 : 🆗🆗🆗回頭 : 📌📌📌📌Lunch set ~$90 🍜 吉列鰻魚白咖哩烏冬🍣蝦 蟹肉 帶子 三色丼 🍢 燒雞肉軟骨棒今次去到銅鑼灣登龍街搵食，行到魚鮮生門口俾個吉列鰻魚白咖哩烏冬吸引左，咁就入左去食。身為鰻魚迷既我，當然一定叫番個鰻魚定食啦，之後就叫多個海鮮丼試下。吉列鰻魚白咖哩烏冬吉列鰻魚同烏冬分開上，鰻魚好厚同充滿魚油香，用料到幾高質，但係個炸既功力就差啲，有少少厚粉。而個烏冬調味都唔錯，介乎撈烏冬同湯烏冬中間，可惜烏冬口感唔夠煙韌，整體上都唔錯。蝦 蟹肉 帶子 三色丼海鮮丼用料好新鮮，帶子好厚肉，又大隻，完全無腥味，而且蟹肉都好多，真係性價比之選。而家自己私心就想個蝦可以變生蝦，應該會爽口好多👅👅 最後個雞肉棒就即叫即整，就不過不失。總括成餐飯性價比幾高，用料好新鮮，值得回頭再幫襯。#以上純屬個人親身感受

平時行街行到咁上下肚餓，一到要諗食乜就頭痕😮‍💨今日黎到銅鑼灣，醒起之前行過登龍街一直話想食又仲未食嘅魚鮮生，於是就行過去試下啦😋我地去到嗰陣比較早，大約6點幾，所以唔駛等位就直接有得入座🥳雖然佢係刺身專門店，但其實店入面嘅裝修似日式居酒屋多啲😂我地揀左比較有日式feel嘅橫排座位，因為太耐冇得去日本啦😢雜錦魚生丼 $88魚生同配菜比例岩岩好，撈勻後基本上每一啖都食到同配菜，唔會多得滯之餘食落口感好豐富，魚生亦都好新鮮。畫龍點睛係隻蛋！蛋汁加豉油同wasabi撈勻，係生蛋拌飯嘅豪華版😍拖羅丼 $168幾塊拖羅加三文魚籽再加隻蛋，簡單暴力😋拖羅食落唔覺肥膩，脂肪係口入面化開果種感覺真係好滿足🥰炸芝麻雞翼 $48外脆內軟，食落好香芝麻味🤩~特色壽司~有好幾種壽司連名都唔識讀，但店員都好有耐性咁解釋係咩嚟。但可惜咁啱有幾款賣哂，只係試左幾款比較少見嘅壽司。燒左口魚邊壽司必食！

店內裝潢走傳統日式料理店風格，四周圍貼上日文海報，播放著日本歌曲，形造氣氛，以為地方細細原來仲有兩層添，成3點都一樣滿坐👍🏻Set Lunch 都好抵食，有前菜、麵豉湯、主食😃白咖喱吉列黑豚烏冬 $88吉列酥脆香口，黑豚肉唔會炸到好乾，白咖喱烏冬先係精粹，勁大碗😵，一個兩個人分就差唔多，未攪勻之前上層食忌廉粟米湯啲咩，當你攪勻嘅時候個底先係咖喱所在😂，比想像中唔膩，但烏冬實在太多，所以我真係食唔哂🤪白咖喱吉列鰻魚烏冬 $88烈鰻魚比起吉列豚肉更好食，因為有外脆內軟嘅感覺😋鮪刺身拼盤 $288刺身好新鮮又厚，拖羅及吞拿魚勁新鮮，入口即溶🤤店內仲有各種小食、沙律、串燒、刺身、壽司等等供應下次有機會試吓串燒先😁