夜明け

营业中

休息中

位于荔枝角D2 place内，主打天妇罗同寿喜烧。门面唔算显眼，但食过就绝对觉得有卧虎藏龙嘅感觉。舖头唔算好大，但环境舒适干净。而且店员服务一流。今晚选择咗品尝天妇罗套餐，感觉真系好满足好幸福☺️☺️✨前菜有鲜甜松叶蟹肉配上萤光鱿鱼。连同醋啫喱一齐食，非常美味醒神！仲配有超迷你蕃茄。✨花竹虾脚/花竹虾身天妇罗花竹虾脚同身分制成两款天妇罗。前者非常脆身，后者外脆内鲜味弹牙，可蘸上咖喱盐。非常美味！✨帆立贝天妇罗用上北海道帆立贝，好厚肉，大约炸到七成熟，非常鲜甜，可以见到内里一丝丝嘅帆立贝肉。可蘸上盐轻轻调味。✨海胆天妇罗本身唔系海胆爱好者，但呢个真系满分好食！用上箱根马粪海胆，鲜甜零腥味。放上紫菜天妇罗上，再配少少淡雪盐⋯可唔可以encore多十件？🥹✨茄子天妇罗用上熊本县赤茄子，系全日本排第二水份最高，咬落真系好多汁。简单食材都可以做得咁好味。适合蘸上天妇罗汁。✨茶碗蒸茶碗蒸上配上肥美兵库县蚝，以85度温度蒸，寜舍滑溜。里面嘅百合根同木耳增添口感。✨莲藕/芦笋天妇罗再次展现食材简单但技巧同味非凡。简单如莲藕皮都炸到非常香口惹味，后者好juicy。✨龙虾天妇罗用上澳洲龙虾，啖啖肉，爽口弹牙。