拾味山西刀削麵館

营业中

休息中

早几日同事话上网睇到依间小店几好，就提议搭电车去食，于是就中午个阵早小小离开公司，咁就一齐搭去试下。十二点左右黎到都已经有唔少人，入黎坐左一阵已经坐无虚席，仲有唔少人系出面等位。 讲反野食，虽然依度出名系刀削面，仲要系现场见到有师傅即场削，但系如果唔想食面既话，都可以拣菜饭既。 而且佢地既款式都好多，刀削面可以配唔同既𩠌，只要落单个阵同店员讲编号就得。 第一次黎梗系要食刀削面啦，咁我就再加口水肥牛，饮姜母茶，合共就58蚊。 刀削面睇落以为份量少，但食落好饱肚，食左好耐先食完，而且味道很好，有咬口，又够烟韧。口水肥牛都好好味，有小小辣，但辣得黎又好香。选择咁多，值得再黎试其他𩠌。