熾工房 (已結業)

上次喺长洲经过呢间炸鸡店已经见到佢好高人气，不过当时已经食饱咗，知道佢喺西环都有分店，经开附近决定去朝圣下。餐厅主打炸鸡薯条，想食脆卜卜，皮脆肉嫰嘅炸鸡，呢度一定唔会令你失望，因为佢每个order都系即叫即做，制作时间大概15-20分钟。我哋拣咗🍗滋味脆鸡（$66）同滋味鸡翼（$64）两个套餐，两个套餐均配🍟薯条及汽水，加$5可转薯条为蘑菇饭（细）。滋味脆鸡餐有两件鸡件分别系鸡上髀同鸡下髀，啱晒钟意啖啖肉嘅朋友；滋味鸡翼有10件单骨鸡翼，口感格外香脆，两个套餐分别配咗烟熏烧烤酱同士拉差酱，酱汁香浓为皮脆肉嫰嘅炸鸡锦上添花。呢度嘅薯条粗幼适中，有薯味，食到即炸嘅外脆内软口感～另外仲加咗份洋葱圈（$24），表面香脆可口，内里新鲜多汁～终于试到呢度嘅 🍄 招牌蘑菇饭！自家制蘑菇汁非常足料，汁底香浓，比起专门店嘅蘑菇饭好吃得多，加$5实在系超值😌🙋🏻‍♀️怕热气嘅朋友都可以试下呢度嘅烤鸡同burger，人均消费大概$60到$80 ，以舒适嘅环境同新鲜制造嘅质素嚟讲绝对对得起呢个价格，值得一试！