古琴雅苑 (利舞臺廣場)

营业中

休息中

古琴雅苑有好多间分店, 铜锣湾利舞台呢间地点好方便。餐厅里面宽敞, 有卡位同圆枱, 枱与枱之间空间好大, 好适合三五知己食饭倾计。当日太好生意, 所有卡位都俾人预约晒, 唯有坐圆枱。北京填鸭古琴雅苑嘅北京填鸭真系名不虚传,皮脆肉嫩汁香甜,包埋薄饼一齐食, 一啖一口真系几好味。佢哋师承北京百年老店,用上乘材料,所以北京填鸭咁出色,绝对系必食之选。配菜同酱料选择都比其他餐厅多, 有哈蜜瓜, 青瓜, 酸梅酱, 烤鸭酱, 各式各样嘅味道任君选择。至尊拼盘至尊拼盘有花雕醉鸡、鸡丝粉皮、扬州水晶肉、小黄瓜、烤麸。花雕醉鸡皮嫩肉滑,酒香好入味。鸡丝粉皮嘅粉皮嫩滑,配上香浓的芝麻酱,味道层次丰富。扬州水晶肉晶莹剔透,猪肉同啫喱状既高汤一齐食, 口味好丰富。金银炒鳝糊金银炒鳝糊好够镬气,鳝糊炒得好弹牙香脆，配上银芽嘅爽脆同酱汁，味道非常好味。金腿浓汤津白金腿浓汤津白汤底清甜,金腿带黎一点点既咸香，吊出左津白本身嘅鲜甜。瑶柱蛋白炒饭瑶柱蛋白炒饭粒粒分明,瑶柱份量好多, 又香。虾仁爽口弹牙，蛋白嫩滑。炒饭本身已经几香口,加上瑶柱同蛋白就更加鲜甜。