呂錦記手撕雞專門店

营业中

休息中

今日做嘢经过港岛区，见到依间手撕鸡店，屋企又想加𩠌，一于买返去试吓！要去依间手撕鸡专门店都好方便，出地铁站行两三分钟就到，如果搭电车，直头喺对面落。入到去店舖，铺面干净企理。望一望餐牌，手撕鸡都有咁多款选择，真系估佢唔到。不过我最欣赏嘅系佢无激素、无味精、零添加，即系我屋企两个小朋友都可以食到。古法虫草花水晶鸡呢只水晶鸡，由西湾河拎到返九龙，打开包装，仲系暖嘅，又传出阵阵香味。外卖俾埋手套你，好贴心。只鸡一撕就开，鸡肉好嫩滑，食落仲有鸡汁，味道刚刚好，唔会太咸，加埋虫草花，养生又美味。怀旧原味手撕鸡呢款用圆形大盒包装，里面装满撕好嘅手撕鸡，非常足料。没有太多调味料，味道咸咸香香，鸡肉爽脆，鸡味浓郁，健康又好食。