鉄鍋牛之介

营业中

休息中

Yoho Mall 有间新店叫鉄锅牛之介，主打一人日式火锅，见到Lunch menu 都有好多选择，所以就去入去试吓今次我哋叫咗香港比较少见的寿喜烧，中等价钱，佢哋既食法系先用牛脂沾锅后，放牛肉下去煎，之后才开始落寿喜烧汁和沙糖，然后慢慢调味。此食法属关西地区独有，有别于关东寿喜烧食法，枱面有张咭纸教大家点食，加分。Set lunch 包一碟牛肉，蔬菜，前菜，白饭和鸡蛋，牛肉有一定厚度，蔬菜份量亦都足够。我跟足指示，先将牛脂在锅底烧香，放牛肉，后加酱汁和糖调味，再点鸡蛋食。牛肉虽然唔系和牛，但都好嫩滑，个人觉得食寿喜烧系唔需要配和牛，反而配美国牛就恰到好处，食完一片牛肉之后，再轮流将其他牛肉和蔬菜煎煮，最后倒入酱汁，食材尽吸浓甜惹味的汁酱，加上鸡蛋，白饭，简直系完美配搭。餐厅除了寿喜烧外，还提供豚肉锅，一人一锅，迎合唔食牛嘅你。下次唔驶再等去日本，都可以食到寿喜烧啦，开心。