樂天經典 (奧海城二期)

营业中

休息中

餐厅主打新加坡式中菜, 环境阔落有空间感, 座位坐得好舒服。𓊈星洲盛宴新加坡风味套餐 $𝟼𝟼𝟾𓊉套餐包括前菜小吃, 螃蟹, 热炒, 饭, 粉面, 甜品同饮品, 样样都有几款可以拣, 可以自选心水小菜。𓆹 前菜小吃 ✧ 星马金砖豆腐份量好多, 豆腐外皮非常酥脆, 炸粉好轻薄, 一入口就溶咗, 内里嘅豆腐好柔软, 好好食!𓆹 螃蟹 ✧ 星洲黑胡椒螃蟹螃蟹用黑胡椒酱汁炒香, 食落好惹味, 蟹肉嘅熟度刚刚好, 肉厚而且鲜甜, 非常有星洲风味, 大推!𓆹 热炒 ✧ 沙拉排骨排骨外层蘸满沙拉酱, 味道甜甜地, 排骨肉质好软腍, 好适合𩠌饭食。𓆹 饭与粉面 ✧ 腊味炒饭腊味炒饭炒得好惹味, 里面有腊肠, 润肠同香葱, 有镬气而且粒粒分明, 咸香味十足!𓆹 甜品 ✧ 招牌酸柑香茅冻甜品充满香茅香气, 味道唔会太甜, 清新解腻。𓆹 饮料 ✧ 可乐𓇊 整体食物质素好高, 值得推介! 另外为庆祝乐天经典康城店开业1周年, 只要喺晚上6点后入座, 消费满 $350即可+$1换购新加坡海南鸡1只。