L'attitude (已結業)

呢个M佬今日抛低我去揾Friend，你以为净系你识揾猪朋友? 我A姐今日就一于同闺蜜嚟坚尼地城嘅L’attitude撑枱脚，食棉花糖雪糕。一入到餐厅，就见到大大只熊仔，仲有好多云嘅挂饰，真系啱晒我哋两个咁靓靓嘅女神。香煎带子羽衣甘蓝意大利面食甜品之前，都要医下𠮶肚先。𠮶意粉一嚟到，就见到好多羽衣甘蓝，好足料㖞。带子好厚肉，煎到甘香，外脆内软，入面仲好Juicy。意粉就炒得啱啱好，食落有啲辣味，好开胃。肉眼好厚身，油腻丰富，肉质鲜嫩，牛味鲜浓，配埋少少甜嘅黑醋汁，就好Fresh！值得一赞嘅系连配菜都好好味，薯蓉比其他餐厅有口感，粟米又烤得好香，绝对系超甜粟米。熊猫软雪糕终于等到主角啦！大家睇下呢只熊猫几可爱，𠮶头系棉花糖，而五官就系由朱古力组成，真系靓到唔舍得食呀！熊猫棉花糖下面就系韩国Ruimilk朱古力软雪糕，入口柔滑，仲有啲朱古力脆脆，好有口感呀！不过食完棉花糖，𠮶雪糕就唔甜lu！