頭啖湯

营业中

休息中

嚟头啖汤未食过椰子鸡煲唔好话嚟过头啖汤真材实料无味精椰子鸡煲，唔似坊间一般火锅店加椰青水死甜，鸡煲上枱后店员话滚起可以先饮汤(就系正所谓头啖汤)，汤头入口椰子味特出加上鸡嘅鲜甜，呢碗头啖汤真系不得了，鸡肉亦好嫩滑鲜味，当晚点左几样海鲜每款都好新鲜，因为我系预早电话订位，当日下午店家会whatsapp话你知当日海鲜价格，啱就可以先落单然后店家去街市相熟海鲜档买，所以海鲜一定新鲜，当晚只龙虾由店员帮忙煮，煮嘅时间把握得相当好，虾肉爽脆弹牙味道鲜甜，另花甲王同鳝片亦系相当好。小店位置喺天后同炮台山中间，位置虽然麻麻，但绝对值得支持，食物质素同价钱十分合理，要食好嘢不妨行多两步，当下香港小店要靠大家一齐去支持。