文興酒家 (大明里)

营业中

休息中

想食香港正宗又好味嘅烧鸭同埋叉烧，唔系咁易揾到。今次有朋友介绍，专程坐车入嚟大埔食烧味。餐厅装修别致又卫生，坐低即刻叫咗一份叉烧烧鸭双拼。叉烧好重蜜糖味，鲜肉非常嫩口，加上烧烤做到外脆内软，非常推介。烧鸭皮下脂肪少，感觉比较健康，皮脆肉嫩，真系好正。接著拣左一碟「鱿鱼炒河粉」，湿炒酱汁好香浓，份量好大，足够4-6人食。另外，叫左一个冷盘「酒煮鲍鱼」，鲍鱼设成薄片，好爽口弹牙，带有少少酒味，几特别。仲叫咗「火龙果咕噜肉」，甜甜酸酸，好开胃，仲有新鲜嘅火龙果、加上配菜：红椒同埋黄椒，卖相非常吸引。另一味系「丝瓜炒牛肉」，牛肉既嫩滑又惹味，调味非常适宜，不会过淡又不会过咸。仲有「红萝卜粟米排骨汤」味道清甜，好有住家风味，健康又味美，超喜欢。酒楼竟然有茶餐厅嘅饮品可以选择，咖啡奶茶、冷热饮品，同样有供应，今次用餐非常满意，下次一定再嚟。