德運豬扒車仔麵

营业中

休息中

星期六晚要食自己，喺佐敦行下行下就见到呢间车仔面店。装修都几光鲜同干净，应该系啱啱新开嘅，坐得几舒服。价钱都好合理，种类唔少。而呢度出名炸猪扒，梗系要试下喇～先拣面底同汤底，然后拣𩠌。最后嗌咗油面、牛腩汁、炸猪扒、自家韭菜饺、猪红、通菜、萝卜。炸猪扒真系必食，好juicy 多汁，又唔会炸得太过油腻。另外佢哋个韭菜饺有惊喜，因为自家制嘅关系，个馅料真系好丰富，个皮又唔太厚，真系好好味。仲包热饮，好掋食。