Four O Five Coffee & Eatery

营业中

休息中

今日放假同朋友去观塘区工厦逛逛店舖，行到中午肚饿朋友有好介绍，餐厅就喺观塘地铁站几分钟路程，观塘成业街19-21号成业工业大厦地下2号舖，餐厅主要有西式精致食物，特饮及甜品。澳洲西冷牛扒配薯蓉西冷牛扒牛肉味浓，油脂较少，肉质纤维较粗嘅口感，配嫩滑嘅薯蓉，蔬菜有煎香茄子、翠肉瓜、甘笋及兰花苗非常丰富。餐汤系粟米忌廉汤，用新鲜粟米磨碎煮成，好新鲜粟米味道好滑溜。酥炸海苔鱿鱼原只鱿鱼切条，炸粉加入海苔提升鱿鱼鲜味，热辣辣脆卜卜，加青芥末沙律酱一齐食更惹味。芒果菠萝沙冰上面系忌廉加芒果糖浆，下面系菠萝沙冰，清新冰冻唔太甜 ，夏天极品。宇治抹茶鲜奶有茶香，甜度适中，口感细滑。粒粒芒果椰子忌廉梳乎厘份量舖满成只碟真够大，满满椰子忌廉加芒果粒，加芒果糖浆整体唔太甜，配搭适度好好味道。所有菜式、甜品、饮品都精心制作好似艺术品，味道好观赏性亦高。