劉興記生煎包專門店

营业中

休息中

经过大围，见到呢间餐厅试业，但系入面已经好多人，主打系生煎包，即刻忍唔住入去试吓。招牌生煎包煎得好香脆，入边肉汁亦都好多，馅料结实，配上芝麻更加香。蟹黄生煎包超级鲜甜，一咬落去就即刻食到蟹肉，呢个价钱可以食到蟹黄生煎包，性价比超高！鸡丝酸辣汤面估唔到份量咁大，汤底比较稠身，好足料，有好多木耳同埋菇菌，系粗身嘅上海面，吸收晒啲汤，正。招牌担担面好香好香嘅花生酱味，好浓郁，唔错唔错。豆浆甜度刚刚好，系呢个天气饮杯冻嘅豆浆真系好舒服！