朱敏記桑拿菜 (已結業)

朋友介绍去呢间朱敏记桑拿菜，一入去见到幅墙大大只字写住金牌胡椒猪杂锅，可以补肺止咳补中益气！由于天气太热我哋都系叫咗啲小炒就算🤣 留返冬天再嚟试呢个招牌菜😊我哋一行三人大家都好食得辣，就叫咗三个辣嘅菜式永州血鸭：鸭肉切成小块，完全浸透喺辣油之中，肉质鲜嫩多汁，用咗啲花椒八角一齐炒，除咗麻辣之外，食落更香口藤椒鹅肠：鹅肠份量好多，每一条都洗得干净冇异味，爽口弹牙，送酒一流小炒田螺：呢个系当晚我最爱，田螺虽然细细粒，但系撩出嚟只只啖啖肉，辣油完全冇掩盖田螺嘅鲜味，我哋几个成晚一边吹水一边食田螺好爽😆