黑門水產すいさん (棉登徑)

营业中

休息中

心血来潮想吃甲罗烧，同朋友约左系黑门水产，一入去的装修充满日式风情，感觉似置身在日本。餐牌嘅选择非常多，甲罗烧选咗海胆甲罗烧和原味甲罗烧 ，有师傅代烧岩晒我哋呢d懒人，两款甲罗烧都有新鲜浓厚的蟹膏味，海胆甲罗烧多咗一份海胆鲜甜味好食。跟著系上吞拿鱼腩小卷、三文鱼沙律同三文鱼加州卷寿司，一分钱一货呢三样的鱼生都好新鲜，冇叫错。特别系三文鱼沙律的酱汁好特别，食落好清新。 另加左个龙虾汤煮海鲜同埋矶烧鱿鱼，店员好贴心先拎左过来俾我地打卡影相，睇到海鲜的新鲜程度，再拎返入厨房烧同煮，吾会整到成身油烟味。值得赞的系龙虾汤好鲜甜, 海鲜好足料有虾、螺、蚝等，我地饮晒成个汤。 矶烧鱿鱼，食得出师傅好耐心去烧，生熟程度刚好，不会烧太㶶，保留鱿鱼嘅鲜味弹牙口感。总括而言，有水准包足的一餐,会同朋友再来。