名門私房菜

营业中

休息中

今晚食咗个湾仔上楼私房顺德菜，第一个𩠌冬瓜盅，有虾肉猪肉，仲有田鸡及蟹肉，必须有的夜香花及莲子，个汤好清甜，冇味精冇添加，少少金华火腿粒吊味，咸香十足。鲍鱼手撕鸡，内有芋头丝，酸姜，青爪丝，海蜇， 用上Wasabi汁，入口味道几复杂，百味纷陈，旁边白卤水汁嘅鲍鱼，味道刚刚好，入口劲弹牙。大良炸鲜奶拼金钱饼莲藕，莲藕饼十分爽脆，中间咬开充满肉汁。秘制陈皮酱烤骨，用上几种陈皮，越咀嚼越有味，陈皮香会慢慢渗出，黑毛猪一字骨，有肉香而不臊。蟹黄芦笋，卖相吸引，澳洲芦笋非常爽脆，用上两只蟹肉，蟹膏及蟹黄，味道十足，橙黄色蟹膏味道香浓。油浸笋壳鱼，差唔多两斤重，外皮炸到劲香脆，鱼肉有软滑，全部位置都脆卜卜，加埋蒸鱼豉油汁，劲好味。名门XO酱炒饭，炸过嘅干瑶柱丝，虾干海味，叉烧粒，入口少少辣味，饭粒干身，啲𩠌多过啲饭。最后一个蛋白杏仁茶做结尾，非常香滑有杏汁香味。全晚食材好新鲜，厨房师傅功夫扎实，难得食到传统顺德菜。