Tommy Yummy (翡翠中心)

营业中

休息中

最近约咗朋友去中环食饭，上网见呢间新开嘅泰国餐厅好多人推介，专登book定枱试吓。🌿🌿餐厅环境布置好舒服，配置落地玻璃，景观好开扬。两个女仔想留肚食甜品，好克制地点咗一个串烧拼盘同埋打抛猪肉碎煎蛋饭。🍡🍡串烧拼盘共6款，有鸡肉、牛肉、猪颈肉、牛丸、猪肉丸同猪肉卷，有沙嗲汁同泰式酸辣汁选择。串烧烧得好香脆，唔会太干身，配埋沙嗲汁，入口好juicy 好惹味。🍛🍛 打抛猪肉碎煎蛋饭，用肉碎炒香料，辣椒好香口，配埋流心煎蛋，𩠌饭一流。猪肉碎分量十足，二个人都够食，开胃之选。🥭🥭最后嚟到必食推介- 芒果乳酪叠叠冰。首先个外型已经好吸晴，未食已经闻到芒果同椰奶嘅香味。开头以为放喺上面嘅系芒果雪条，食落先知系原只芒果，好甜好好味。呢个甜品充满惊喜，有芒果乳酪同糯米饭，配埋椰汁一齐食，简直系芒果糯米饭嘅升级版。🥰🥰餐厅环境好靓，打卡一流，食物质素（特别系甜品）相当有惊喜。好适合情侣或闺蜜食饭倾偈，叹个甜品。