蝦棧 (已搬遷) 新店位置

今次三个人去到太子一间地舖非常开阳嘅食虾专门店，招牌以红色为主，好大只红色嘅虾，好易就揾到。餐牌上好多款式嘅食物选择，重头戏当然系食虾煲啦，另外都有啲台式嘅小食提供，图片非常吸引，菜式非常特别。小食方面叫咗一口炸豆腐、生烧海花螺。一口炸豆腐外皮炸得非常香脆，食落去入面嘅豆腐系软绵绵嘅质感，有入口即溶嘅感觉。花螺好新鲜，咬落去爽口弹牙，必食。锅物方面叫咗避风塘虾同埋黑麻油鸡。两款食物都非常香，尤其系避风塘虾煲，分别有六只虾，仲有好多配料，例如香蒜、虾米等等，虾非常大只，而且虾头有好多膏，咬落去肉质爽口弹牙，非常滋味。之后再加一碗鲁肉鲜虾汤米，即刻饱晒。饮品方面，每人叫咗一杯鲜榨嘅羽衣甘蓝汁系列嘅饮品，原来配以苹果汁一齐饮都几鲜甜。最后加多个椰子雪糕，埋单都只系＄900有找，价钱合理，最重要系食物质素高，全部台式系列嘅食物都非常新鲜美味。