韓脈 (帝國中心)

营业中

休息中

Outback执咗，究竟尖东夜晚仲有咩吸引你去食，竟然俾我误打误撞揾到呢间好味韩国餐餐。主打韩烧，但入到去一D烟味都无，佢吸烟系统真系好好，无预备都可以去食。一坐低竟然俾酱油蟹吸引咗，点左二人份试下。二人前包左酱油蟹一只、酱油虾同鲍鱼各两只，仲配埋紫菜生鸡蛋捞饭，真系性价比超高，味道浓淡适中，食到海鲜嘅鲜甜亦食到酱油膏嘅咸香。记得加埋蟹膏蟹黄捞饭，味道大满足。烤肉吾少得啦，佢有专人帮你烧同分，岩哂懒人，配嘅生菜都好新鲜爽脆，叫烧肉会送多个韩式焗蛋俾你清清味蕾。叫咗个纯豆腐汤，味道好好，唔系一般韩国餐厅嘅韩式辣酱味，好足料。前菜5小碟，推荐出面少有嘅鹌鹑蛋同鱼板。