翡翠拉麵小籠包

营业中

休息中

翡翠拉面喺德福商场已经好多年历史，亦都搬过几次舖位。我几喜欢它现在这个店舖装修风格，同朋友食饭坐得几舒服。翡翠拉面我自己一定会嗌的系酸辣汤拉面，呢度的酸辣汤拉面非常之多料，味道亦都做得够正宗，够浓。不过今次食觉得得辣咗好多，厨师加辣应该重手咗要留意下。翡翠拉面最特别之处系面底可以拣唔同嘅面，而我就发现咗三角面好好食，因为条面系三角状的关系，沾到嘅面汁会更加多，食落比起普通的面都更有咬感。另外嗌咗一个炒饭，原本冇咩期待，但系竟然觉得几好食，有阵阵嘅虾酱味而且饭粒分明，炒得够干身。来到翡翠拉面当然要嗌小笼包，小笼包都做得唔错，皮薄多汁。见到推介做紧炖汤二十几蚊，试咗一个，足料又抵饮。