影片
更多
2024-09-16
334 浏览
今次去黄埔行街，顺道试埋呢间佐贺嘅人气烧肉店，环境开扬，座位阔落，坐得舒服。嚟得呢度一定要试下呢款海外限定嘅人气大判烧👇大判烧 黑毛和牛西冷 $178黑毛和牛油花分布非常平均，服务员仲好细心咁我哋烧件和牛，而且生熟度烧到刚刚好，入口软腍juicy，牛味浓郁，沾埋蛋浆一齐食倍增滑溜口感。另外我哋叫咗个👇🍽Omakase Course $398/人，二人份起，啱哂我哋，唔使咗谂右谂，有哂前菜、盐味及酱汁烧肉、海鲜、蔬菜、饭类、餐汤及甜品嘅丰富全餐。🥗前菜▪︎沙律：木鱼丝沙律，微微咸香有口感嘅木鱼丝配搭沙律菜一齐食，特别得嚟又清新。▪︎泡菜三点盛：有萝卜、青瓜及白菜，可以清一清味蕾，又可以降脂肪解油腻。🦐盐味盛▪︎盐味上牛舌：爽弹富口感，唧少少柠汁及大葱丝一齐食，更加正。▪︎葱盐味若鸡：少少盐及黑胡椒已经足够好味，质地嫩腍唔鞋口。▪︎海老：虾头劲爆膏汁，肉质鲜甜爽弹。🐂烧肉汁盛▪︎特上牛胸腹肉：味浓有口感。▪︎牛板腱肉：相比牛胸腹肉更有𡁻头，同样味浓。▪︎黑毛和牛里腹小排：相比前两者油脂更丰盈，有口感亦很浓牛味。▪︎黑毛和牛腹柳小排：油花分布平衡，油脂最丰盈，食落爽甜，牛味香浓。▪︎野菜隐蔽于烧肉之内，有南瓜、
嚟得呢度一定要试下呢款海外限定嘅人气大判烧👇
大判烧 黑毛和牛西冷 $178
黑毛和牛油花分布非常平均，服务员仲好细心咁我哋烧件和牛，而且生熟度烧到刚刚好，入口软腍juicy，牛味浓郁，沾埋蛋浆一齐食倍增滑溜口感。
另外我哋叫咗个👇
🍽Omakase Course $398/人，二人份起，啱哂我哋，唔使咗谂右谂，有哂前菜、盐味及酱汁烧肉、海鲜、蔬菜、饭类、餐汤及甜品嘅丰富全餐。
🥗前菜
▪︎沙律：木鱼丝沙律，微微咸香有口感嘅木鱼丝配搭沙律菜一齐食，特别得嚟又清新。
▪︎泡菜三点盛：有萝卜、青瓜及白菜，可以清一清味蕾，又可以降脂肪解油腻。
🦐盐味盛
▪︎盐味上牛舌：爽弹富口感，唧少少柠汁及大葱丝一齐食，更加正。
▪︎葱盐味若鸡：少少盐及黑胡椒已经足够好味，质地嫩腍唔鞋口。
▪︎海老：虾头劲爆膏汁，肉质鲜甜爽弹。
🐂烧肉汁盛
▪︎特上牛胸腹肉：味浓有口感。
▪︎牛板腱肉：相比牛胸腹肉更有𡁻头，同样味浓。
▪︎黑毛和牛里腹小排：相比前两者油脂更丰盈，有口感亦很浓牛味。
▪︎黑毛和牛腹柳小排：油花分布平衡，油脂最丰盈，食落爽甜，牛味香浓。
▪︎野菜
隐蔽于烧肉之内，有南瓜、鸡髀菇、洋葱及鲜冬菇。
🥘石烧泡菜锅饭
有几款泡菜，中间仲有一只鸡蛋，咸咸香香，饭粒湿润唔会太干身。
🥣海澡汤
里面有好多昆布，汤头咸咸地。
🧁甜品
食到个口热辣辣，食番个泡芙云呢拿雪糕及杏仁豆腐，可以清新返个口腔，实在系完美嘅结局。
张贴
