YAKINIKU KAKURA (元點)

营业中

休息中

好耐冇入去元朗，又多咗几个新商场。今日行到元点，都有唔少好餐厅。行过见到有烧肉，仲要系KAKURA就入去食个晚饭。佢哋有窗口卡位，可以望到元朗大马路市中心。叫咗个大判烧!黑毛和牛西冷，可以叫职员帮手烧，一大块系炉面几咁抢火。烧到五成就即刻沾蛋汁放入口。入口即溶，和牛油香十足。另外个椿拼盘都好多嘢食，有刺身级嘅大虾，又有鸡髀肉、鸡柳，又有牛小排，牛肩胛、赤身肉，仲有牛舌同牛肠添。我哋仲加咗碗紫菜饭，入面有紫菜碎、烧汁同埋温泉蛋。捞匀之后加埋烧肉一齐食就真心正。另外一定要加杯烧酎梳打咁样先够爽。食完之后原来仲有雪米糍同杏仁豆腐送，食得几开心。