憶食尚臘味煲仔飯

营业中

休息中

今晚去咗间环境高级雅致嘅中菜馆，店内装潢考究，屏风将枱同枱之间隔开，保持私密性。楼梯旁嘅墙上加咗几幅画，增添咗艺术气息，而碗碟上嘅花纹同蝴蝶刻工，更显得细致。滋润炖汤食材嘅精华都完美融合入汤底，汤水清澈透明，饮到虫草花嘅甘香，瘦肉鲜美，龙眼肉嘅甜味提升咗整体滋味，滋补养生。风味小炒皇 韭菜经过快火快炒，保持住咗清脆同新鲜，鱿鱼炒到外表微焦，口感弹牙。甜蜜咕噜肉每一块咕噜肉都炸得外皮酥脆，肉质保持软嫩，酸甜汁中和油脂，甜味恰到好处。广式腊味煲仔饭用上自家制腊味 - 腊肠、腊肉、腊鸭，味道鲜香，充满着浓郁嘅香气，米饭用上黑土种植五常米，煲仔饭底部有一层香脆嘅饭焦，必试之选。另外叫左2杯特色饮品，颜色鲜艳吸引，味道清新又解渴。