影片
更多
2021-05-26
67 浏览
第一次嚟旺角呢一个商场，呢一间餐厅系朋友选择，虽然价钱唔系非常之平，但朋友食过话好高质素，好适合庆祝揾到新工，所以就嚟呢度食啦！一入到LABEAT觉得环境好舒服宽敞，唔会因为限聚令所以令座位好迫夹，侍应都安排咗一张好靓嘅梳化卡位俾我哋坐，感觉有私人空间倾计，非常良好。侍应知道我唔饮酒精饮品，所以推介左少女心满满嘅Mocktail Narcissus $88，有玫瑰糖浆、荔枝果肉、柠檬汁同雪碧，淡淡嘅粉红色，清爽嘅味道，配肉食一流，唔会好甜，几推荐！仲要知道我同朋友一齐叫，上枱嘅时候用食用嘅系枪帮我哋嘅饮品吹左波波，仲提醒我哋立即打卡影吓相，泡泡连成一条桥超得意！好适合情侣啊！餐包唔同出边嘅餐包通常配牛油，呢一度侍应会提供橄榄油同陈醋，所以会比较清爽同开胃，呢一度嘅餐包质地相对厚实，唔系超松软个一款，接近欧式面包，外脆内软，唔会成个空气包，味道简单朴实，加埋陈醋酸酸香香！热熔法国流心配香草烤薯、西班牙辣肠及火腿$218呢一碟系见到餐牌有全版介绍，好似好好食而叫左，以前电视机上面成日见到有一个好大嘅半圆形芝士，呢款就系raclette french cheese ！侍应会将用热火枪烧溶咗表
侍应知道我唔饮酒精饮品，所以推介左少女心满满嘅Mocktail Narcissus $88，有玫瑰糖浆、荔枝果肉、柠檬汁同雪碧，淡淡嘅粉红色，清爽嘅味道，配肉食一流，唔会好甜，几推荐！仲要知道我同朋友一齐叫，上枱嘅时候用食用嘅系枪帮我哋嘅饮品吹左波波，仲提醒我哋立即打卡影吓相，泡泡连成一条桥超得意！好适合情侣啊！
Mocktail Narcissus
$88
13 浏览
0 赞好
0 留言
Mocktail Narcissus
$88
24 浏览
0 赞好
0 留言
餐包
唔同出边嘅餐包通常配牛油，呢一度侍应会提供橄榄油同陈醋，所以会比较清爽同开胃，呢一度嘅餐包质地相对厚实，唔系超松软个一款，接近欧式面包，外脆内软，唔会成个空气包，味道简单朴实，加埋陈醋酸酸香香！
餐包
14 浏览
0 赞好
0 留言
热熔法国流心配香草烤薯、西班牙辣肠及火腿$218
呢一碟系见到餐牌有全版介绍，好似好好食而叫左，以前电视机上面成日见到有一个好大嘅半圆形芝士，呢款就系raclette french cheese ！侍应会将用热火枪烧溶咗表面嘅芝士拎上手，然后系你面前刮下一层又一层，好似岩浆嘅感觉！非常适合打卡！芝士因为系面前立即烧熔咗，唔会因为冻哂硬骨骨，芝士咸香,味道圆润带有浓郁和果香咸味, 加埋薯角非常之香口，虽然香草烤薯，但薯仔调味偏淡身，预要同芝士一齐食哩！薯仔保留左外皮嘅焦香，入边唔会过硬；辣肠同火腿两款味道提供，一浓一淡，唔怕闷。
虽然一盘里边有唔同嘅食材，但系唔会全盘都系同一个味道，当中嘅沙律菜、萝卜等等，就系偏酸，拌左橄榄油同醋嘅味道，所以当食芝士嘅时候配搭就唔会油腻啱啱好！整体有层次，口感都好唔错，份量大约三人份～
热熔法国流心配香草烤薯、西班牙辣肠及火腿$218
$218
13 浏览
0 赞好
0 留言
热熔法国流心配香草烤薯、西班牙辣肠及火腿$218
$218
14 浏览
0 赞好
0 留言
28天熟成西班牙黑毛猪鞍（300克）$388
因为朋友唔食牛，所以叫左猪～ 28天熟成可以由猪本身的酵素软化肌肉同结缔组织，蒸散肌肉多余水份，令猪肉味道更浓郁同饱满！口感真系同一般斧头猪唔同！grill纹格仔微焦，旁边嘅油脂入口即化，一融入口唔肥腻超香口，真系肥面想食晒佢！平时出面嘅肥猪肉我会起走佢架！虽然价钱唔算非常平，但真系物超所值，因为佢猪肉味好浓郁，煎嘅手法同选择嘅猪肉都非常之高级，份量都有足足两人分，两个手板咁大，可以同朋友一人一块分享！
28天熟成西班牙黑毛猪鞍（300克）
$388
23 浏览
0 赞好
0 留言
28天熟成西班牙黑毛猪鞍（300克）
12 浏览
0 赞好
0 留言
呢一间餐厅环境舒服，食材选择高级，侍应服务态度良好又贴心，开头要左一杯热水，后尾见佢拎住樽冻水来加水，仲特登叫我等一等，帮我添热水，真系对服务态度感到惊艳！大时大节会encore 嘅高级西餐厅！
张贴
