Bong樓

营业中

休息中

话说一位比较熟韩风嘅朋友介绍黎食呢间餐厅，又见无负评，心谂实冇死啦。首先，到左餐厅侍应指左张枱我地坐之后就唔理我地，最后要再叫佢先有menu睇，隔离枱有4个女仔，佢地想叫野食，4只手伸哂出黎都冇人理，结果要行出去同侍应落单.....咁我地就叫左3款野食，分别系玫瑰芝士炸鸡，炸酱面同芥末猪手。讲真，野食黎讲只系普通，尖沙咀大把韩国餐厅做得更好。个芝士炸鸡未用铁板加热之前d炸鸡同薯角系冻嘅，即系唔系新鲜炸起再上菜。个炸酱面系3样之中最好食嘅，猪手都系正常。我地8点入坐，食到9点侍应就话last order，之后转个头就print埋张单要你即刻找数。都唔紧要，可能想早d埋数啫，不过吊诡嘅系，一俾完钱个背景音乐突然间开到好大声仲要佢系播kpop跳唱组合嘅歌，所以可想而知系几嘈！嘈到你讲野，对面嘅人系听唔到咁夸张....令人不难觉得佢系咪收完钱就想赶人走......另一样想讲嘅系，佢个洗手间好污糟，8点系食饭时间已经冇哂厕纸，个厕格衞生情况又.....唉都真系唔想再讲落去。一间餐厅连衞生都做得唔好，好极有限啦讲真。