影片
更多
2013-03-15
32 浏览
首次嚟到兰桂坊嘅乐宴，同楼下兰桂坊嘅街景好唔同，满街酒吧都喺人，有收咗工嚟饮吓酒嘅，有游客嚟见识吓嘅，但上到位于商业大厦内嘅乐宴，感觉唔同晒，环境较为静焗，少咗份嘈杂声，上嚟饮嘢嘅人都较为斯文，虽然唔似一般日式居酒屋咁热闹，但静静焗焗倾吓偈又几唔错。装修喺一贯嘅和风，深啡木枱板椅，不少日式海报，吧位及一边墙身摆放好多酒樽，泡盛、烧酎、清酒……等，枱櫈间亦比较阔落，坐得松动，较为特别喺附设露台位，对下就喺兰桂坊。坐咗成晚，见佢客路主要都喺外国人同少部份日本人，并且饮酒居多，食嘢其次，所以侍应都比较清闲啲，我哋一递手就有侍应即时前嚟招呼。今晚所见，有两个侍应，一个外藉女侍应，另一个似喺日藉男侍应，唔算得上招待热情，但服务都唔错！啤酒苦瓜渍 $45苦瓜喺冲绳名物，所以拣嚟啤酒苦瓜渍作第一道开胃前菜，苦瓜细细碟卖$45贯彻日本嘢嘅高档呀，苦瓜咬落几爽，唔喺好觉苦，不过啤酒味就唔多明显。花生豆腐 $55曾经食过一次，印象犹深，所以今次有机会，自然想跟佢再重逢。睇样就被佢呃晒，以为佢好嫩滑，同一般豆腐无分别，一夹你就知好唔同。质感黏黏糯糯富弹性，有啲似糯米糍，花生香会随随渗出，唔太浓，带点微甜，惊
坐咗成晚，见佢客路主要都喺外国人同少部份日本人，并且饮酒居多，食嘢其次，所以侍应都比较清闲啲，我哋一递手就有侍应即时前嚟招呼。今晚所见，有两个侍应，一个外藉女侍应，另一个似喺日藉男侍应，唔算得上招待热情，但服务都唔错！啤酒苦瓜渍 $45
苦瓜喺冲绳名物，所以拣嚟啤酒苦瓜渍作第一道开胃前菜，苦瓜细细碟卖$45贯彻日本嘢嘅高档呀，苦瓜咬落几爽，唔喺好觉苦，不过啤酒味就唔多明显。
花生豆腐 $55曾经食过一次，印象犹深，所以今次有机会，自然想跟佢再重逢。睇样就被佢呃晒，以为佢好嫩滑，同一般豆腐无分别，一夹你就知好唔同。质感黏黏糯糯富弹性，有啲似糯米糍，花生香会随随渗出，唔太浓，带点微甜，惊喜依然。
石垣牛肉炸薯饼 $62一客有两大个牛肉炸薯饼，一开二兼摆得靓靓仔仔。唧点柠汁可解解油腻，外层炸得甘香松脆，内里薯肉好软滑，不过牛肉唔多，偶然咬落烟烟韧嘅就喺牛肉粒。
冲绳鱼饼拼盘 $70睇落好似好多款式，除咗较大𠮶件紫菜墨鱼饼之外，其他一粒粒嘅鱼饼都唔喺好食得出喺乜，而且口感较为死实，属试过就算嘅菜式。
串烧拼盘（8支） $145串烧每2支计，定价由最平嘅冬菇$32到最贵嘅和牛串$72，唔想烦就好似我哋咁，叫一客串烧拼盘（8支），计有：长葱鸡串、鸡肉棒、鸡翼、青椒仔酿鸡肉、冲绳黑猪肉、猪颈肉、冬菇、青椒仔其8款。卖相几有睇头，但味道不过不失，部份下盐多咗，有少少过咸。
冲绳AGU猪肉饺子薄饼 $78AGU猪又喺冲绳另一名物，绰号梦幻之猪，喺冲绳原有嘅贵重品牌猪，据说猪种晌600年前仍叫琉球王国时代跟中国有贸易而传入。有大理石纹理、肉质甘香、甜美嫩滑喺佢嘅特征。先唔好讲啲猪肉，依个伪薄饼嘅饺子薄饼本身都几有创意，一客6只饺子煎好后再放晌铁板，加芝士再焗，饺子皮食落确有啲似薄批嘅感觉，而内馅猪肉肉汁丰盈，肉馅松化，唔错㖞！
冲绳风熏猪手拌酸汁 $68跟德国咸猪手好唔同，冲绳风熏猪手皮下脂肪颇多，凝固成骨胶原蛋白，食得人满咀都喺，油香滋味，实际上就无乜肉，幸好外皮烧得香脆，佐酒嘅好朋友。拌啲酸汁，仲份外清新。
墨鱼汁炒饭 $78呈全黑色嘅墨鱼汁炒饭，唔好以为个饭好湿，啱啱相反，个饭炒得饭粒分明挺干身，只喺啲墨鱼汁令个饭闪𫞠有光泽，错觉以为湿黏黏。啲饭食落有墨鱼味，除咗墨汁之效外，因为饭内仲有啲墨鱼一齐同炒，虽然唔多，但已添加份口感性。至于饭面嘅太阳蛋，外观大于实际，因为晌黑漆漆嘅墨汁饭之上，特别抢眼，可惜蛋黄已接迎全凝固，仲期望影张流心蛋黄嘅相添！虽然喺咁，但个饭整体都好好食，值得推荐。
芒果汁、冲绳四季桔果汁 $40我哋试咗两杯果汁，芒果汁杯底有啲沉淀嘅情况，应该就唔似新鲜榨𠮶类，但芒果味极浓郁，少少偏甜；相反，个四季桔果汁口感嚟得天然，酸酸甜，开胃有得，消滞都得！
冲绳雪糕拼黑糖年轮蛋糕 $68甜品选择唔多，只有冲绳风冬甩、3款冲绳雪糕及一款雪糕拼年轮蛋糕组合。淡粉红嘅冲绳红芋雪糕，富牛奶香而蕃薯味不俗，但不知何解，雪糕内有好多碎冰，好影响个雪糕嘅软滑度；黑糖年轮蛋糕外观好靓，「年轮」一层又一层，蛋糕唔算好松软，但一层层嘅年轮纹带有黑糖焦香，颇突出呀！
短期内试到两次冲绳料理，有啲走运嘅感觉，两次都品尝到唔同嘅特色冲绳菜。仲见Asia Gateway共同观光说明会搞咗个日韩食饭赢机票，8间日式或韩式食店，食饭有机会赢到飞往釜山或福冈双人来回机票各一套，可惜个推广期好短，11/3-31/3，中环乐宴喺其中一间（但铜锣湾店唔喺），就算唔喺搏张机票，一尝冲绳菜都喺唔错。再次多谢餐厅招待！
张贴
