一風堂 (朗豪坊) (已結業)

今晚嚟到朗豪坊行街睇吓买咩圣诞礼物，要揾嘢食之际周围都咁多人，去到food court 人山人海真系唔知食咩好，呢个时候就见到一风堂啦，门口等位嘅人好少，等左一两张飞就到我地啦，已经可以入座了！见到有个新餐牌，系期间限定嚟㗎！上面写住有四倍大嘅紫菜同埋三倍增量嘅肉，一于试吓呢个拉面先！而且$88 唔系特别贵～哗，个拉面块紫菜真系大过我块面呀，而且一大块肉横跨成个碗！汤底好浓郁呀！第二个拉面我哋嗌左特制白丸元味，呢度所有嘅特制拉面都系采用低温猪柳叉烧嘅，而其他拉面就系用卷腩同埋卷猪腩叉烧！呢款特制拉面都系$88～呢款拉面就同头先嘅期间限定差好远呀，感觉冇咁澎湃～佢嘅汤底同期间限定嘅汤底都系唔同㗎，猪柳叉烧就有4块，份量都好够！两碗拉面都配有半只半熟蛋，仲有少少配料例如木耳丝同笋。另外，小食方面我哋就叫咗一客明太子鸡翼，上碟嘅时候烧得好靓呀，仲配有柠檬可以俾我哋挤柠檬汁享用～明太子有少少辣，所以呢一个鸡翼非常之惹味！呢度每一枱都有一壶茶俾我哋自己添加嘅！位置座落喺food court 外面，楼底空旷，系一个半室外嘅地方