九爺牛腩 (佐敦道)

营业中

休息中

午饭时间冇乜想法，谂住求其食碗粉就算。呢间铺比较新净，光猛阔落，唔洗等位可以直入。除左一般嘅粉面，仲可以叫茶餐，都算几多选择。*爽腩河*爽腩系即系「崩沙腩」或者「蝴蝶腩」，理应有筋膜连住一旧瘦肉，筋膜爽滑，但呢日嘅爽腩食落有啲柴，肉质做唔到烟韧软糯。汤底的腩汁味道正常，河粉唔系好碎，算条条分明。公仔面嘅汤底系水，所以味道都系淡如水，连个面都未发得开哂，相信系好赶时间出餐。味道方面比普通更普通，佐敦有咁多茶记，无咩必要刻意再访。