文記車仔麵 (福榮街)

营业中

休息中

第一次食文记系同事带黎食，食过之后就真系念念不忘，有时去开深水埗都要整翻碗。今次拣咗米粉底，瑞士汁大辣。鸡翼：系文记其中一款招牌𩠌，13蚊2只好大只，甜口嘅瑞士汁而且好入味。猪肠：软淋入味而且清洁得好干净，一碗有7 8旧。萝卜：清甜无渣。西洋菜饺：系最深得我心嘅一款𩠌，每一粒饺子相当有份量，大大粒饺子入面包住猪肉馅同西洋菜粒，咬落去好清新而且西洋菜好甜，肉同菜嘅比例啱啱好。但系呢款𩠌唔系成日有，真系睇彩数。通常系冬天先会出现翻。