淂記 (已結業)

一直久仰淂记的大名，贵为一间摩登中菜厅，推出嘅菜式往往糅合新意，玩味十足，每每教人惊喜。无辣不欢嘅我，今次专程来享用新推出嘅「忽必烈四人餐」，究竟会唔会真系屎忽开花呢？哈哈！🌶◼️忽必烈四人餐 • Chilli Set◼️🌶($1880 /4位用)  🥒翻滚泼辣小黄瓜菜名都零舍盏鬼过人，其实即系「醋捞小黄瓜云耳」，作为清新开胃嘅前菜，非常适合。🐓热火朝天起飞鸡川府麻香鸡，鸡肉入口非常软腍嫩滑，带有麻香，好吃。🦆辣舌唇枪架妹子 芥末鸭舌，神奇在连一向唔钟意食Wasabi嘅我，都觉得调味唔错，估唔到Wasabi同鸭舌会系绝佳配搭！🐚满脸通红椒盐鲍小辣宝椒盐鲍鱼，不得不赞叹呢度嘅大厨绝对有功价，鲍鱼厚肉得来唔会韧，非常腍，表面嘅椒盐极之香口，好正！🐟血洗龙宫酸辣羹 龙虾海皇酸辣羹，入面有劲大嚿龙虾肉，绝对真材实料。🦞火舞黄沙辣龙虾避风塘龙虾，非常香口，龙虾钳啖啖肉，配埋冰冻白酒，冇得输🐠欲罢不能酸斑球酸菜斑球，份量比想像中多，鱼肉肉质鲜嫩可口，令人食指大动。🦑淂记恶辣血池大滚鱿川味香锅，材料非常丰富：鱿鱼、金菇、牛肚、牛柏叶、莲藕、莴笋，见到汤底红彤彤，都知辣得过瘾。🥬极速降温冰芥兰颜色碧绿，口