和牛燒肉‧純 (已搬遷) 新店位置

同朋友放假一日，行吓街，食吓嘢。去完日本之后，依然好挂住日本嘅美食，朋友就带我去食和牛午餐喇！依度午餐都有好多选择，可以烧肉，又可以食涮涮锅，我哋咁为食就梗系两样都叫，可以试晒两款食法。三色和牛定食有三款和牛，包括上牛排肉，肩眼肉同和排肉。三款油脂比例不同，侍应就建议由比较少油脂嘅牛排肉开始食。虽然油脂相对较少，但系都几香，又有牛味。我自己就最钟意食中间嘅一款，油脂多少少，油香扑鼻，牛嘅香气又浓少少，再点少少酸汁，又可以解腻，配埋珍珠米饭，好味呀！和牛涮涮锅又系另一个风味。和牛切薄片，放入清汤煮一煮，好快就食得喇！可以选择点蔴酱或者酸汁，两样同和牛都好配合。锅入面嘅蔬菜都好丰富，有菌类，萝卜，青菜，豆腐，粉丝，样样都好食。食饱饱又继续行街！