香江花月 (利舞臺廣場) (已結業)

讲到怀旧边炉，一定会提起佢，第一间佐敦店已经慕名而来。当时，除咗令人深刻的怀旧布置，仿team lab既打卡房，仲有多到要围住火锅食既牛肉拼盘。铜锣湾店一样有悉心布置，充满怀旧气氛。特别有一个波波射灯既房间，打咭一流。晚市超值二人套餐 $288如果两个人入嚟食，牛肉拼盘可能会嫌多，呢个二人餐就够做，而且价钱无得输。首先，汤底可拣鸳鸯锅，菇菌清汤锅配四川麻辣锅，一个清；一个辣，两者互补。两碟靓特选牛肉，灼一灼肉嫩好食。午餐肉粟米饺非常饱满，口感实在。日本乌冬幼身滑口，蟹籽墨鱼丸够晒弹牙，中山脆骨腩新鲜爽脆。仲有芝士肠，时令蔬菜同台湾鸭血，真系包罗万有。总体计有汤底，有鱼有牛肉，仲有丸菜饺乌冬，包埋咁靓既餐厅环境，性价比高。