影片
更多
2022-01-20
227 浏览
之前系疫情稍为缓和嘅时候，约咗好朋友到铜锣湾呢一间《九龙城同捞同煲火锅》嘅餐厅打边炉。餐厅嘅装修非常之怀旧，既有瓷砖地板、亦有霓虹光管嘅装饰，感觉就有如入咗七、八十年代嘅餐厅，打卡简直系一流。由于有疫情，所以餐厅一卫生都做得好足 喺食嘢之前试都会用滚水帮我哋冲一冲， 务求令大家食得安心。今次选择咗一个最啱冬天滋补又养生嘅花雕醉美人锅( 醉鸡锅) 呢一个醉鸡汤底用料十足有红枣 淮山杞子 党参 等药材 食完之后行气活血，个人暖笠笠。而鸡件就 用瓦煲另外分上， 保证每一件鸡都可以将火侯拿捏得最好食到最嫩滑最多汁juicy嘅鸡件。一开始就叫咗一个珍宝 带子刺身肉质鲜甜而且相当新鲜， size亦都算几大只， 已80蚊两只嚟讲嘅价钱来说， cp值都算高。呢度除咗打边炉之外，餐前嘅小吃质素亦都相当高。呢一个虾多士，炸到脆卜卜，而且又唔会太过油腻。虾肉够弹牙，点埋酸甜汁 ，非常之开胃。呢一个特级手切牛肉，色泽红润，而且雪花分布平均 。入口相当软熟，滚几十秒就食得， 皆因够晒新鲜。脆炸响铃非常之有豆味， 即叫即炸，无论系即刻食都好，又或者用嚟打边炉都系同样美味。另外唔少得嘅就梗系嗌返杯啤酒啦， 呢只我大
餐厅嘅装修非常之怀旧，既有瓷砖地板、亦有霓虹光管嘅装饰，感觉就有如入咗七、八十年代嘅餐厅，打卡简直系一流。
由于有疫情，所以餐厅一卫生都做得好足 喺食嘢之前试都会用滚水帮我哋冲一冲， 务求令大家食得安心。
今次选择咗一个最啱冬天滋补又养生嘅花雕醉美人锅( 醉鸡锅) 呢一个醉鸡汤底用料十足有红枣 淮山杞子 党参 等药材 食完之后行气活血，个人暖笠笠。
而鸡件就 用瓦煲另外分上， 保证每一件鸡都可以将火侯拿捏得最好食到最嫩滑最多汁juicy嘅鸡件。
一开始就叫咗一个珍宝 带子刺身肉质鲜甜而且相当新鲜， size亦都算几大只， 已80蚊两只嚟讲嘅价钱来说， cp值都算高。
呢度除咗打边炉之外，餐前嘅小吃质素亦都相当高。呢一个虾多士，炸到脆卜卜，而且又唔会太过油腻。虾肉够弹牙，点埋酸甜汁 ，非常之开胃。
呢一个特级手切牛肉，色泽红润，而且雪花分布平均 。入口相当软熟，滚几十秒就食得， 皆因够晒新鲜。
脆炸响铃非常之有豆味， 即叫即炸，无论系即刻食都好，又或者用嚟打边炉都系同样美味。
另外唔少得嘅就梗系嗌返杯啤酒啦， 呢只我大大杯嘅Hoegaarden选择， 花香味十足，打边炉倾下偈就最啱。
最后就送咗两盒甜品， 分别系怀旧嘅啫喱， 上面仲插住一支喺以前旧式茶楼先会见到嘅遮仔，令人谂返起童年嘅回忆。
除此之外亦有呢款糖不甩， 花生同芝麻碎非常香口，而且甜度又适中， 简直令成餐晚饭都非常之完满呀。
张贴
