影片
更多
2022-07-17
54 浏览
朋友喺网上见到一间装修得好有怀旧风嘅火锅店，叫埋我去感受一吓～ 💈先讲环境～系楼上舖嚟嘅～楼梯选用纸皮石pattern嘅墙身贴纸，门口用咗classical嘅当舖霓虹光管招牌，一路行去火锅店就好似行入咗时光隧道咁，走进七、八十年代嘅感觉～公鸡碗碟、茶壶水杯，橙色卡位雅座、纸皮石地面、旧式挂墙钟，猪仔钱罂、旧式理发店嘅红白蓝旋转灯筒同埋旧式风筒、暖水壶、收音机、电话、信箱…… 仲有蓝精灵、黄金战士、忍者小灵精、（大铁人17、星仔走天涯，利申：未出世🤪）嘅打卡位添～～～ 未食嘢净系睇个环境已经好兴奋、超开心！🥳再讲吓服务～店员会用夹将碗、碟、茶杯浸入滚水清洁一次，食具干净企理我有选择障碍😝，望住汤底唔知拣边个好，问吓每个汤底有咩特色，店员都不厌其烦地细心解释👍🏻佢介绍海鲜套餐俾我哋，又提议调配一下组合，令份量更适合我哋两个人食问唔同嘅牛肉组合有咩分别，佢又主动入厨房问吓师傅今日系用牛嘅边个部位 👍🏻👍🏻入正题：食物结果汤底拣咗”冬甫美人锅” ，同埋叫咗3款火锅配料🔸冬甫美人锅（鸡汤）个锅摆盘好有心思，店员放上枱俾我哋影相之后，就夹起只鸡去斩件鸡下面有一大块冬瓜，店员用铰剪将冬瓜剪开方便食用
朋友喺网上见到一间装修得好有怀旧风嘅火锅店，叫埋我去感受一吓～ 💈
先讲环境～
系楼上舖嚟嘅～楼梯选用纸皮石pattern嘅墙身贴纸，门口用咗classical嘅当舖霓虹光管招牌，一路行去火锅店就好似行入咗时光隧道咁，走进七、八十年代嘅感觉～
公鸡碗碟、茶壶水杯，橙色卡位雅座、纸皮石地面、旧式挂墙钟，猪仔钱罂、旧式理发店嘅红白蓝旋转灯筒同埋旧式风筒、暖水壶、收音机、电话、信箱……
仲有蓝精灵、黄金战士、忍者小灵精、（大铁人17、星仔走天涯，利申：未出世🤪）嘅打卡位添～～～ 未食嘢净系睇个环境已经好兴奋、超开心！🥳
再讲吓服务～
店员会用夹将碗、碟、茶杯浸入滚水清洁一次，食具干净企理
我有选择障碍😝，望住汤底唔知拣边个好，问吓每个汤底有咩特色，店员都不厌其烦地细心解释👍🏻
佢介绍海鲜套餐俾我哋，又提议调配一下组合，令份量更适合我哋两个人食
问唔同嘅牛肉组合有咩分别，佢又主动入厨房问吓师傅今日系用牛嘅边个部位 👍🏻👍🏻
入正题：食物
结果汤底拣咗”冬甫美人锅” ，同埋叫咗3款火锅配料
🔸冬甫美人锅（鸡汤）
个锅摆盘好有心思，店员放上枱俾我哋影相之后，就夹起只鸡去斩件
鸡下面有一大块冬瓜，店员用铰剪将冬瓜剪开方便食用
其他材料有花胶、桃胶、红枣、竹笙、虫草花同娃娃菜
花胶同桃胶份量唔少，花胶仲要有啲啲厚度
竹笙、冬瓜同娃娃菜吸哂啲汤，好入味
鸡肉嫩滑，有鸡味
(⚠️鸡斩件后，店员帮我哋一次过放哂落个锅度，头两件鸡非常嫩滑，之后𠮶啲煮得耐咗，啲肉实咗啲，建议俾顾客自己加入鸡件，方便控制加热嘅时间😉）
🔸特级盛牛大拼盘
结果拣咗呢款牛肉，可以试到唔同嘅部位
1个拼盘· 4款选择
极级封门柳｜安格斯牛肉｜一口雪花牛粒｜牛舌
摆盘亦用心，用咗大量嘅刨冰坐底，令肉质保持新鲜
牛肉肥瘦比例适中
四款入面最钟意封门柳够肉味，牛舌薄切够淋，口感佳😛
🔸鸳鸯滑(黑松露墨鱼滑｜蟹籽虾滑)
墨鱼滑嘅松露味突出
虾滑劲爽弹 —>> 推介🙌🏻
🔸即炸响铃
响铃大条又酥化 (店员推介话系即叫即炸）
放入滚汤3秒就食得 😋😋
唔觉油腻
打完边炉，戴好口罩谂住埋单走人，点知职员话仲有甜品食，系火锅店送㗎～
🔸怀旧啫喱杯（迷你版）
细细杯，份量啱啱好，好耐冇食过喇☺️☺️，好怀念把怀旧纸伞仔啰～ ☂
🔸怀旧糖不甩（可爱鲤鱼造型版）
店员将两条鲤鱼仔放入边炉汤，鲤鱼仔系热汤畅游4-5分钟后，店员会系热汤中将鲤鱼仔‘拯救’起嚟，之但系转头就将鲤鱼仔一开四，再放入芝麻椰丝花生碎堆中番几番后，再砌返一条鱼仔俾客人享用
成个制作过程睇到店员嘅用心 🫶🏼
呢到嘅环境怀旧得嚟又干净企理
食物选择丰富又有质素
职员有礼，细心解释menu，又不时调较火速同加汤
呢次用餐体验感觉良好，下次要约多几个朋友回访，试埋个”胡椒猪肚少爷鸡汤”同埋试多啲火锅配料！
张贴
