鮨一 (厚福街)

营业中

休息中

我同老公都好钟意食日本嘢，今日就我哋唻到厚福街呢间日本餐厅试吓。晚饭时间都好多人，最好就订定位。虽然今餐只系食咗四样嘢，但系全部都系寿司同刺身，都有啲济，大满足！！鮨一沙律🤩刺身种类多，有甜虾、带子、三文鱼，蟹籽、油甘鱼。样样都好新鲜食一个沙律好似食咗一个刺身拼盘咁，满足多个愿望。秋刀鱼刺身：而家嘅季节啱晒食秋刀鱼，师傅将秋刀鱼切得好靓，好似成多花咁。但系我个人觉得有啲腥，但系我老公就好钟意食呢种油甘味。千层海胆饭(大)😋😋海胆上面仲放咗啲金箔，加强贵气。海胆下面仲有碎吞拿鱼。海胆新鲜，自己用紫菜包一个个海胆吞拿鱼卷，实在系太满足啦。两个人叫一个大size都已经好够。牛油果鳗鱼反卷鳗鱼烧得香口，仲有甜蛋系里面加强层次，好食。