巴依餐廳

营业中

休息中

上次嚟巴依食饭已经系2018年，5年后终于再有机会亲临光顾。今日同朋友大约晏昼一点半到餐厅，等咗大约5-10分钟就有枱，不过要搭枱。成间餐厅坐满人，枱与枱之间都几迫，但环境都算整洁。好明显系太旺场，伙记唔够，都真系要举一阵手先有人理。见评论话服务唔好，但今日侍应阿姨态度都算客气，起码我唔觉得有问题。我哋两个女仔叫咗一个细嘅新疆手抓饭 ($60)，一份烤羊肉串，同两杯原味酸奶。上菜等得唔算耐，第一道先上手抓饭。个饭有浅浅嘅羊油味，虽然油，但有红萝卜伴住食，唔会觉得腻。羊肉本身煮得够淋亦唔太膻，面头有啲孜然粉刚好，所以无盖过本身嘅羊肉味。如果系重口味可能会嫌太淡，但我觉得唔错。 果然期望越大，失望越大。本身羊肉味唔够 (膻味都太少)，expect佢孜然粉系已经洒上羊肉度，可惜系要自己点嘅，咁样个羊肉亦无乜孜然味。多年前曾到乌鲁木齐街边食过当地正宗嘅烤羊肉，相比之下今日嘅真系好失色。食完饮番杯酸奶解油腻，刚好。酸奶质地够浓够杰身，唔错。最惊喜嘅系临走时，隔离搭枱嘅夫妇叫咗羊肉汤，嚟到发现太大锅，主动请我哋每人饮咗半碗。饮咗一啖马上后悔点解要嗌羊肉串😂 个汤好清甜，有香浓嘅羊膻味，但亦唔系会令