影片
更多
2024-10-01
282 浏览
偷得浮生半日闲，同老公拍拖去试下新嘢。晚餐主打set ，有前菜，主食（饭／面），甜品，仲跟一杯嘢饮，$90。睇下餐牌，有d简陋，谂唔到有乜特别好食，好似同普通餐厅冇乜分别。突然有个肥肥哋嘅男人走过嚟，同我哋打招呼，原来系间餐厅老板。佢好耐心咁同我哋解释每一道菜嘅原材料都系用最好嘅食材，而且冇味精，煮法同其他餐厅点解唔同。于是我哋就拣咗呢度嘅招牌担担面，茶叶蛋，同埋餐厅老板不断推介嘅自制冻柠茶，甜品就要咗火龙果糕。1. 茶叶蛋 + 自制冻柠茶茶叶蛋好入味，见到只蛋嘅色水，就知道老板用咗唔小心机同埋时间去腌制冻柠茶真系有啲与别不同，柠檬好新鲜，唔涩，但又唔系超甜，唔会好似其他餐厅咁饮完觉得有少少起痰。原来一杯少少嘅冻柠茶都咁有学问，用心做原来真系有啲唔同，值得一赞2. 招牌担担面平时好怕食担担面，因为好多时啲酱都会整到一pat pat好 ”杰”, 一系就整到太淡唔够味。呢个招牌担担面，味道啱啱好，花生酱香得来又唔系太浓，要畀个赞 食完终于明白点解呢个系招牌面3. 火龙果糕食完咁浓味嘅担担面，食一个火龙果糕，又几清新㖞，冇谂过火龙果糕做嘅甜品又几好味㖞。细细件，啱啱好食完咁浓味嘅嘢，返到屋
晚餐主打set ，有前菜，主食（饭／面），甜品，仲跟一杯嘢饮，$90。
睇下餐牌，有d简陋，谂唔到有乜特别好食，好似同普通餐厅冇乜分别。突然有个肥肥哋嘅男人走过嚟，同我哋打招呼，原来系间餐厅老板。佢好耐心咁同我哋解释每一道菜嘅原材料都系用最好嘅食材，而且冇味精，煮法同其他餐厅点解唔同。
于是我哋就拣咗呢度嘅招牌担担面，茶叶蛋，同埋餐厅老板不断推介嘅自制冻柠茶，甜品就要咗火龙果糕。
1. 茶叶蛋 + 自制冻柠茶
茶叶蛋好入味，见到只蛋嘅色水，就知道老板用咗唔小心机同埋时间去腌制
冻柠茶真系有啲与别不同，柠檬好新鲜，唔涩，但又唔系超甜，唔会好似其他餐厅咁饮完觉得有少少起痰。原来一杯少少嘅冻柠茶都咁有学问，用心做原来真系有啲唔同，值得一赞
2. 招牌担担面
平时好怕食担担面，因为好多时啲酱都会整到一pat pat好 ”杰”, 一系就整到太淡唔够味。呢个招牌担担面，味道啱啱好，花生酱香得来又唔系太浓，要畀个赞 食完终于明白点解呢个系招牌面
3. 火龙果糕
食完咁浓味嘅担担面，食一个火龙果糕，又几清新㖞，冇谂过火龙果糕做嘅甜品又几好味㖞。细细件，啱啱好
食完咁浓味嘅嘢，返到屋企都冇口渴，证明老板果然冇呃我，真系冇用味精㖞，值得一赞
希望呢间小店继续努力经营落去，保持住对食物嘅执著，唔会用味精。但老板真系要执执个餐牌，等人哋知道佢做每道菜背后系有咁大嘅诚意
张贴
