極尚大喜屋 (鱷魚恤中心)

营业中

休息中

今日难得放大假，衬闲日中午同埋母亲大人食个日式放题放纵下。今日系星期一，但系喺门口已经人山人海，可见依度嘅受欢迎程度。见到前边除咗放题之外，都好多人嚟食定食，母亲话下次可以试吓。坐低梗系叫咗刺身先，甜虾是我的最爱加上赤贝、北寄贝、象拔蚌、三文鱼、带子、油甘鱼、八爪鱼，选择非常多，味道同外观都喺放题之上嘅水平，新鲜又美味。熟食方面，炸物有炸𧐢、炸鲜奶、炸整件的软壳蟹（印象最深刻），上枱仲系热辣辣非常香脆唔系整定先。外面自助区都好大好多选择，凉菜方面推介泰国凤爪和带子裙边，酸酸甜甜可以解一解油腻，成本比较高嘅食材依度都有提供个人推荐花胶、鳗鱼，几好味又即刻回本！嘢饮满满几个雪柜，冻同热都照顾到，甜品、生果、雪糕都好多选择，出边自取。性价比高嘅观塘放题！