影片
更多
2022-10-16
119 浏览
呢间位于旺角楼上开业嘅「升」omakase ，真系超有惊喜！晚市价钱本来已经唔系贵，$980包含三款前菜、四款刺身、七件寿司、手卷、一品料理、茶碗蒸、汤同埋甜品，超丰盛，而且用料上乘，卖相一流而且味道好～重点系依家仲要做紧二人同行一人半价‼️咁嘅价钱我真系怀疑究竟有冇钱赚㗎😝✨前菜三款✨虾水云配土佐啫喱-酸酸地好开胃炙烧鲣鱼-配有辣萝卜茸、紫苏及蒜片葱粒调味，鲣鱼带有一点焦香。矶煮鲍鱼配鲍鱼肝酱-鲍鱼有咬口但系唔会靭，而且好入味。✨刺身四款✨鳕鱼白子 -味道香浓，口感creamy 唔会腥配有酸汁、辣萝卜茸、葱。蜜柑鲷-呢款鲷鱼食蜜柑长大，食落有啲蜜柑嘅味道！配上柚子皮，口味更清新。梭子鱼（竹签鱼）-白身鱼来说油份比较重，炙烧表皮有焦香。烟熏鲣鱼-烟熏效果同埋味道都够晒特别，配自家制洋葱汁+紫苏+七色芝麻，味道丰富。食完刺身仲有：甘露煮青桃+无花果，俾大家清清味蕾！✨一品料理✨西京烧银鳕鱼，采用新鲜银鳕鱼油脂分布特别多，配菜仲有甘栗口感香甜，同自家腌渍萝卜。✨寿司七件✨石垣贝-厚肉爽甜车海老（八竹虾）-柚子皮，肉质紧实大大只北寄贝-面少少烧过，贝味好劲𫚕鱼-大条d的油甘鱼，油香十足秋刀鱼大
✨前菜三款✨
虾水云配土佐啫喱-酸酸地好开胃
炙烧鲣鱼-配有辣萝卜茸、紫苏及蒜片葱粒调味，鲣鱼带有一点焦香。
矶煮鲍鱼配鲍鱼肝酱-鲍鱼有咬口但系唔会靭，而且好入味。
✨刺身四款✨
鳕鱼白子 -味道香浓，口感creamy 唔会腥配有酸汁、辣萝卜茸、葱。
蜜柑鲷-呢款鲷鱼食蜜柑长大，食落有啲蜜柑嘅味道！配上柚子皮，口味更清新。
梭子鱼（竹签鱼）-白身鱼来说油份比较重，炙烧表皮有焦香。
烟熏鲣鱼-烟熏效果同埋味道都够晒特别，配自家制洋葱汁+紫苏+七色芝麻，味道丰富。
食完刺身仲有：甘露煮青桃+无花果，俾大家清清味蕾！
✨一品料理✨
西京烧银鳕鱼，采用新鲜银鳕鱼油脂分布特别多，配菜仲有甘栗口感香甜，同自家腌渍萝卜。
✨寿司七件✨
石垣贝-厚肉爽甜
车海老（八竹虾）-柚子皮，肉质紧实大大只
北寄贝-面少少烧过，贝味好劲
𫚕鱼-大条d的油甘鱼，油香十足
秋刀鱼
大拖罗
北海道马粪海胆
✨呑拿鱼茸萝卜手卷✨
紫菜够晒香脆，吞拿鱼蓉多到爆，混合腌萝卜同埋洋葱，口感好丰富～
✨蚬肉清汤✨充满蚬肉嘅鲜味！
✨松叶蟹蒸蛋✨够晒热，而且入边仲有好多蟹肉添啊！
✨甜品✨
九州富有柿，抹茶蕨饼+北海道红豆🫘够晒香甜而且充满日本特色
整体嚟讲，咁嘅价钱真系冇得输，非常值得再次回访！
张贴
