牛牛日式火鍋放題 (北角匯二期)

营业中

休息中

今日放工做完嘢有啲攰，好想放纵一下心旭旭想食下火锅，就畀我谂到北角有一间质素高嘅火锅餐厅， 今晚就去尽啲直接攻顶食个398蚊嘅日本和牛试下先！ 一嚟都唔使一分钟汤底同牛肉已经到齐， 一见到啲牛肉就知道系靓嘢， 只需要简单桌一桌我连豉油都冇落直接咁样食，完全感受到牛肉嘅甘香同埋佢嘅油花香， 忍唔住我今晚就已经不知不觉食咗七碟和牛，日本豚肉我亦都食咗两碟。 豚肉亦都系一点都不失礼非常之嫩滑鲜味。 不得不提我今晚饮咗佢嘅冷泡茶完全冇饮过汽水因为啲茶实在太好饮，最后我仲食咗五个m字品牌嘅雪糕球， 我估我净系食雪糕已经食超过一百蚊以上🤣🤣完全系物超所值回晒本! 我完全推介去开北角嘅朋友去试一试绝对唔会令你失望。