正品小館 (已結業)

性价比高中式小店收工同同事拎完代购，经过见到新开左呢间小店，正品小馆，见到个餐牌都吾贵，入面都坐左7成人，应该食得过。餐厅系中式小店装潢，有d旧时港画挂系墙，17，8张枱，吾会太迫，几舒服。叫左海南鸡饭、瑶柱牛腩走饭、白灼鹅肠、炸鸡软骨、椒盐豆腐、餐饮冻柠茶，热柠水。海南鸡饭冇骨鸡肉滑，肉吾老，吾淋、配鸡油饭，送埋汤！$38抵食又吾难食！瑶柱牛腩煮得好入味，肉唔会太过硬同淋，岩岩好，底配3条菜心。白灼鹅肠最喜欢呢个，鹅肠白灼完用淡鼓油浸住，底有一堆芽菜。鹅肠弹牙，有小小脂膏，入落爽脆不韧，好食。炸鸡软骨 食得出啲油唔系万年油，即炸即上菜，好食，同朋友吹水送啤酒一流。椒盐豆腐豆腐外面炸得好脆但入面食落仲滑，外面小小椒盐咸，入面豆腐香，又系送油一流。+4冻柠茶+2热柠水饱晒，埋单都系$166佐敦区，咁既价钱，食物质素又吾差，附近返工值得做饭堂。