蝦蝦燒

营业中

休息中

朋友推仲左呢间虾虾烧俾我,话系可以自己夹新鲜虾去烧, 真系好得意，揾日放工就去左食。 去到比我想象中干净, 冇咩腥味, 一坐低职员就问有冇食过再仔细讲解点食,装住游水虾既水缸就系座位隔离, 够哂方便,想食就夹。 炉既正上方就有个抽气, 食完个身就冇咁大阵味。 野食既种类都有好多, 熟食既串烧都有4个大雪柜装住,就要系串好哂, 有肉有菜, 鸡软骨, 鸡肾, 鸡翼, 牛仔骨, 猪大肠, 腩仔, 肠仔, 翠玉瓜, 金菇牛肉卷, 海鲜仲有鲍鱼, 鱼, 蚬, 螺, 扇贝, 生蚝, 都真系好多野食, 我就梗系主攻肉同海鲜啦, 食番够本。 佢仲有熟食部分~野饮都多种类。整体真系几好,性价比都高。