爆爆鍋 (已結業)

今日嚟开铜锣湾，就去咗呢间主打台式火锅嘅爆爆锅！作为牛大人嘅新品牌台式火锅，牛嘅质量一定冇得输～🥩-今次叫咗一个美国牛板腱肉套餐、一个安格斯牛小排套餐同单点咗一啲火锅配料～出面亦有蔬菜区可以选择，有娃娃菜、莲藕、金菇等配料区芫茜葱花炸蒜无限量供应！牛板腱嘅雪花分布得好均匀，肥瘦比例适中！😍汤底我哋嗌咗夜市养生排骨锅同爆炒樱花虾鲜锅，养生锅同平时嘅药膳锅有些不同，闻到几香嘅药材味，但系食落口唔会感到苦涩！🫶🏻爆炒锅店员会喺你面前炒香个锅，然后再加水，令整个汤底更加升华🩷小食我哋亦嗌咗盐酥鸡同鱿鱼，鱿鱼炸粉唔厚，唔会食到成口炸粉！饮品方面，嗌咗朱古力同埋仙草爽，临走之前店员仲送咗两支雪条！有云呢拿、杏仁同埋咖啡味拣～