鐵板世家

营业中

休息中

铁板世家今次要介绍喺旺角嘅一间「铁板世家」餐厅，呢间餐厅门口有一级，我又自备咗一块斜板，餐厅入面比较逼，好彩我部轮椅都入到，店员好好人帮我揾方便位置比我坐！1.西冷牛扒配饭+罗宋汤$66+红豆冰$8（9/10）呢个西冷牛扒配饭拣咗黑椒汁，黑椒味算强烈，西冷牛扒有一块细同一块大，牛扒生熟程度啱啱好，估计都有六成熟，好好食！罗宋汤：入面有大量洋葱、蔬菜同红萝卜，仲有少少牛肉碎，罗宋汤酸酸地辣辣地，唔错！红豆冰：最后嚟一杯红豆冰，红豆煮得好淋，唔会有硬红豆出现，成杯红豆冰会好甜，跟餐价只系需要加$8，非常抵饮！2.香煎猪扒拼牛脷配意粉+忌廉汤$63+菠萝冰$8（9/10）呢个香煎猪扒拼牛脷意粉拣咗黑椒汁，果块香煎猪扒肉质唔会好鞋，煎得啱啱好，牛脷一大条，牛脷肉质好软淋，加埋黑椒汁配意粉已经好耐无食过，意粉弹牙好挂汁，好好食！忌廉汤：呢个忌廉汤好浓稠，唔会好稀，入面仲有打碎咗嘅粟米粒，好好饮！菠萝冰：呢杯菠萝冰好鬼甜，仲加咗大量梳打水，妹仔仲有大量菠萝果肉，饮落好清爽，跟餐价只系需要加$8，非常抵饮！3.法式厚切吐司$40+冻柠茶$3（9/10）呢个系下午茶套餐，我叫咗法式厚切吐司，一递上枱见