影片
更多
2019-01-04
1150 浏览
2018年最后一日，梗要食餐好慰劳下过去一年嘅辛劳，为2018年最后一个工作日落个完美句号！大丈夫系出名多人排嘅食店，试过系繁忙嘅lunch排左40分钟先有位！但今次系好想食嘅心驱使下，早左十分钟出嚟攞位！策略成功，等左10分钟左右就有位！佢每个午餐定食都跟沙律、日式蒸蛋、渍物同面豉汤，价钱由$58至$98不等，免加一！今次叫左寿司乌冬定食，品质依然！有5旧寿司，寿司都系啲常见嘅普通嘅，但系新鲜嘅，仲有我至爱嘅腐皮乌冬，腐皮系两大块架！份量都足够，重点系佢只系$58咋！！绝对系抵食之选！同事仔就叫左个三文鱼饭，有十块三文鱼盖过晒啲饭，好丰富喔！呢个就贵少少，要$68！$68有鱼生饭㖞，劲抵！今日有个小插曲，日式蒸蛋制作机坏左，侍应姐姐逐枱逐枱问会唔会考虑转玉子，蒸蛋可能要等好耐！其实佢可以一言堂一开始讲今日餐单转送玉子，佢都有考虑食客嘅意欲，都系值得赞！
大丈夫系出名多人排嘅食店，试过系繁忙嘅lunch排左40分钟先有位！但今次系好想食嘅心驱使下，早左十分钟出嚟攞位！策略成功，等左10分钟左右就有位！
佢每个午餐定食都跟沙律、日式蒸蛋、渍物同面豉汤，价钱由$58至$98不等，免加一！今次叫左寿司乌冬定食，品质依然！有5旧寿司，寿司都系啲常见嘅普通嘅，但系新鲜嘅，仲有我至爱嘅腐皮乌冬，腐皮系两大块架！份量都足够，重点系佢只系$58咋！！绝对系抵食之选！
同事仔就叫左个三文鱼饭，有十块三文鱼盖过晒啲饭，好丰富喔！呢个就贵少少，要$68！$68有鱼生饭㖞，劲抵！
今日有个小插曲，日式蒸蛋制作机坏左，侍应姐姐逐枱逐枱问会唔会考虑转玉子，蒸蛋可能要等好耐！其实佢可以一言堂一开始讲今日餐单转送玉子，佢都有考虑食客嘅意欲，都系值得赞！
张贴
