影片
更多
2023-01-10
38 浏览
最近去咗新蒲岗附近行街，行行吓觉得肚饿，就去咗覆桌之前去过嘅海胆仔，之前食过佢哋嘅海胆，今次就主力试吓其他唔同嘅嘢食。甲罗烧配法包前排讨论度都几高，之前未食过，咁啱呢度有价钱唔贵，梗系点一个试吓。以呢个价钱嚟讲，份量都唔少，满满嘅蟹膏，搽满两块法包都仲有剩，蟹膏味都好浓，加埋沾蛋酱后更加香滑，再配上法包，充满层次感，值得一试。 日本黑豚肉眼定食炸粉唔算太厚，外层咬落去都好香脆，而入边肉质软腍，日本豚肉嘅油香突出，可以配合咗三款酱汁，分别有蛋黄酱、吉列猪扒酱同埋麻酱。 串烧牛舌厚度适中，食落几香牛味。 和牛粒肉质几腍，不过怕食生嘅朋友就要留意吓，因为熟度大概只有5成，食唔到咁生嘅，可以叫员工整熟啲。 金菇牛肉同鸡肉串就不过不失啦熔岩海胆鱼饼上到嚟见到有三旧黑色嘅嘢，第一眼以为系原只海胆，原来系鱼饼。鱼饼应该系即叫即烧，因为一上到枱，都仲系热辣辣，而且表面都好脆，一咬开鱼饼，入边全部都系海胆酱，都几特别。餐厅每日都会有唔同嘅新鲜海鲜提供，想知当日有边款新鲜嘅海鲜，可以睇吓收银处后边嘅白版，大多数嘅海鲜都系来自日本，我哋去食𠮶一日，店员话俾我哋知生蚝系来自日本嘅，而海胆就系加拿大嘅，如果大家
甲罗烧配法包
前排讨论度都几高，之前未食过，咁啱呢度有价钱唔贵，梗系点一个试吓。
以呢个价钱嚟讲，份量都唔少，满满嘅蟹膏，搽满两块法包都仲有剩，蟹膏味都好浓，加埋沾蛋酱后更加香滑，再配上法包，充满层次感，值得一试。
日本黑豚肉眼定食
炸粉唔算太厚，外层咬落去都好香脆，而入边肉质软腍，日本豚肉嘅油香突出，可以配合咗三款酱汁，分别有蛋黄酱、吉列猪扒酱同埋麻酱。
串烧
牛舌厚度适中，食落几香牛味。
和牛粒肉质几腍，不过怕食生嘅朋友就要留意吓，因为熟度大概只有5成，食唔到咁生嘅，可以叫员工整熟啲。 金菇牛肉同鸡肉串就不过不失啦
熔岩海胆鱼饼
上到嚟见到有三旧黑色嘅嘢，第一眼以为系原只海胆，原来系鱼饼。鱼饼应该系即叫即烧，因为一上到枱，都仲系热辣辣，而且表面都好脆，一咬开鱼饼，入边全部都系海胆酱，都几特别。
餐厅每日都会有唔同嘅新鲜海鲜提供，想知当日有边款新鲜嘅海鲜，可以睇吓收银处后边嘅白版，大多数嘅海鲜都系来自日本，我哋去食𠮶一日，店员话俾我哋知生蚝系来自日本嘅，而海胆就系加拿大嘅，如果大家有兴趣，不妨可以问吓店员。
三文鱼大虾带子丼超大碗，刺身食落去都有小小嘅鱼油香，虾肉都冇霉嘅情况，带子都有少少嘅甜味。以$100都唔使嘅价钱嚟讲，可以食到咁大碗嘅鱼生丼饭，非常抵食。
黑松露玫瑰花之恋
鱼生嘅部份唔系用三文鱼，而系用吞拿鱼，睇落就好似一朵玫瑰花，黑松露嘅味道都好突出，整体上来讲都唔错。
张贴
