炎鳥羽

营业中

休息中

一讲起去厚福街揾食，个个都识H8，但其实呢一座蓝马商业大厦都美食林立，呢日我哋就拣咗去炎鸟羽。餐厅唔算好大，环境就好有居酒屋嘅感觉。前菜总共有3款，我尤其喜欢牛蒡嘅爽脆。最近比较注重营养均衡，所以想食点菜做头盘，木绵豆腐胡麻菠菜沙律就符合晒我嘅要求，菠菜沙律份量相当多，而且仲有车厘茄同豆腐，配合胡麻酱真系好味又开胃。另外仲叫咗明太子蛋卷，厚厚嘅蛋包住浓浓嘅明太子，鸡蛋甜得嚟有蛋香，与明太子嘅辛香真系互相辉映。另外点咗一人前「炎」套餐($380)。刺身总共有三款，每款两件，每日嘅款式都会有所不同，今日就分别有三文鱼、油甘鱼同八爪鱼，全部都新鲜肥美。串烧鸡肉总共有三款，分别系烧鸡翼、鸡软骨同烧鸡皮，另外仲有牛肉串。运用盐烧嘅做法，薄薄嘅盐提升咗食材原有嘅味道。天妇罗分别有炸虾、茄子、南瓜同番薯。粉浆唔会过厚，新鲜热辣就更加好味。最后食事拣咗乌冬，虽然只有紫菜同葱花作配料，但配合鲣鱼汤底，就已经令人感到满足。甜品系柚子味雪葩，为呢个晚餐画上完美句号。