德記潮州菜館

营业中

休息中

之前屋企人带过我嚟呢间食，觉得质素唔错，今日就带朋友嚟试吓。可能太夜8:30至嚟到，好好彩唔驶等位。食过鹅片同煎蚝仔饼，今次再encore，蚝仔大大只又够多，不过要叫煎，炸嘅话太热气同埋相对蚝味无咁出。卤水鹅片够入味，有鹅片同有带骨鹅肉，有骨嘅话鹅味会浓啲。大家都钟意饮汤，就叫个胡椒猪肚汤暖吓胃，胡椒味好重，入口会觉得辣啲，同埋个汤偏咸，可以因为入面啲咸菜比较咸。原本想叫砂窝龙趸翅，因为之前试过觉得鱼肉好滑，砂窝上又够香口，但今日一早卖哂，唯有叫个炸子鸡。炸子鸡鸡皮脆口，但鸡肉未算好滑。人多就叫多个鲍螺片扒小白菜，都系正常发挥，略嫌酱汁太多。今日4个人人均$250，但其实都叫多咗食唔哂，潮州嘢嚟讲性价比都几高，抵过啲米芝莲餐厅。